பரிகாரம் என்ற பெயரில் இளம்பெண்களை சீரழித்த காம மந்திரவாதி! - பாலியல் வன்கொடுமை

விழுப்புரம்: மாந்தீரிகம் செய்வதாகக் கூறி இளம்பெண்களின் வாழ்க்கையை சீரழித்த போலி மந்திரவாதியை காவல் துறையினர் கைது செய்துள்ளனர்.

போலி மந்திரவாதி

Published : May 29, 2019, 10:09 AM IST

காஞ்சிபுரம் மாவட்டம், வடமலைபாக்கம் பகுதியைச் சேர்ந்த தம்பதி திண்டிவனம் மகளிர் காவல்நிலையத்தில் புகார் ஒன்றை அளித்தனர். அந்தப் புகார் மனுவில் அவர்கள் கூறியுள்ளதாவது, 'கடந்த ஆண்டு திண்டிவனம் அடுத்த ஒங்கூர் பகுதியைச் சேர்ந்த மந்திரவாதியான செல்வமணி, மாந்தீரிகம் செய்வதாகக் கூறி விளம்பரம் செய்திருந்தார்.

இதை நம்பி நாங்கள் இருவரும் அவரை அணுகியபோது வீட்டில் பில்லி சூனியம் இருப்பதாகக் கூறினார். மேலும் வீட்டிற்கு வந்து பரிகாரப் பூஜை செய்ய வேண்டும் எனக்கூறியதை அடுத்து அவரை வீட்டிற்கு வரவழைத்து பூஜை செய்தோம். அப்போது அவர் பரிகார பூஜை செய்யும்போது கன்னிப்பெண்கள் வீட்டில் இருக்கக் கூடாது என்றும், அப்படி இருந்தால் பூஜை பலிக்காது என்றும் தெரிவித்தார்.

இதை நம்பி எங்களது மகளை மந்திரவாதியுடன் வந்த அவரது உதவியாளர் ஹேமாவுடன் தங்கிக் கொள்ள அனுமதித்தோம். பின்னர் அவர் பரிகார பூஜையை முடித்துவிட்டுச் சென்றார். இதையடுத்து எங்களது மகளை திரும்ப அழைக்க ஹேமா வீட்டிற்குச் சென்றபோது, அங்கிருந்த செல்வமணி பரிகார பூஜைகள் இன்னும் முடியவில்லை என்பதால், எங்களது மகளை வீட்டிற்கு அழைத்து சென்றால் பலிக்காது என்று கூறினார்.

இதை நம்பி நாங்களும் எங்களது மகளை அங்கேயே விட்டுவிட்டு வந்தோம். ஆனால் அந்த மந்திரவாதி வீட்டில் நடந்த பூஜை பலிக்க வேண்டும் என்றால் அவருடன் உடலுறவு வைத்துக் கொள்ள வேண்டும் என எங்களது மகளை மிரட்டி பாலியல் வன்புணர்வு செய்துள்ளார். இது தற்போதுதான் எங்களுக்கு தெரியவந்தது' என குறிப்பிட்டிருந்தனர்.

மனுவை ஏற்ற காவல் துறையினர் ஒங்கூர் பகுதிக்குச் சென்று செல்வமணி, அவரது உதவியாளரை கைது செய்து விசாரித்ததில் பில்லி, சூனியம் எடுப்பதாகக் கூறி பல பெண்களை அவர் பாலியல் வன்புணர்வு செய்தது விசாரணையில் தெரியவந்தது. இந்தச் சம்பவம் அந்த பகுதியில் பரபரப்பை ஏற்படுத்தியுள்ளது.

Intro:விழுப்புரம்: மாந்தீரிகம் செய்வதாக கூறி இளம்பெண்ணின் வாழ்க்கையை சீரழித்த போலி சாமியாரை காவல் துறையினர் கைது செய்துள்ளனர்.

Body:காஞ்சிபுரம் மாவட்டம் சூணாம்பேடு பகுதியைச் சேர்ந்தவர் செல்வமணி. மனைவி மற்றும் இரண்டு குழந்தைகளுடன் வசித்து வந்த இவர், மனைவியுடன் ஏற்பட்ட கருத்து வேறுபாடின் காரணமாக விழுப்புரம் மாவட்டம் திண்டிவனம் அருகேயுள்ள ஓங்கூரில் தனியாக வசித்து வந்தார்.

இந்நிலையில் இவர் மாந்தீரிகம், பில்லி சூனியம் செய்வதாக கூறி திண்டிவனத்தை சுற்றியுள்ள பகுதிகளில் பலரை ஏமாற்றி வந்துள்ளார்.

இதற்கிடையே கடந்த வருடம் காஞ்சிபுரம் மாவட்டம் வடமலைபாக்கம் பகுதியைச் சேர்ந்த ஒருவரது வீட்டுக்கு மாந்தீரிகம் செய்ய செல்வமணி மற்றும் அவரது உதவியாளர் ஹேமா ஆகிய இருவரும் சென்றுள்ளனர்.

அப்போது அந்த வீட்டின் உரிமையாளரிடம் 'உங்கள் வீட்டில் சில பரிகார பூஜைகள் செய்ய வேண்டும். ஆனால், அந்த நேரத்தில் கன்னிப்பெண்கள் வீட்டில் இருக்கக்கூடாது' என்று கூறியுள்ளார்.

இதைகேட்டு அதிர்ச்சி அடைந்த அந்த பெற்றோரிடம், பரிகாரங்கள் முடியும் வரை உங்கள் பெண் என்னுடன் தங்கி கொள்ளட்டும் என சாமியாரின் உதவியாளர் ஹேமா கூறியுள்ளார். இதையடுத்து அவரது பேச்சை நம்பி அவர்கள் அந்த பெண்ணை அவர்களுடன் அனுப்பி வைத்துள்ளனர்.

பின்னர் அந்த பெண்ணை திண்டிவனத்தை அடுத்த ஒங்கூருக்கு அழைத்து வந்து சாமியார், உங்கள் குடும்பத்தில் நிலவும் பிரச்னைகள் தீர வேண்டுமெனில் நீ என்னுடன் உடலுறவு வைத்துக்கொள்ள வேண்டும் என வற்புறுத்தி யுள்ளார். இல்லையென்றால் உங்கள் குடும்பம் நடுத்தெருவுக்கு வந்துவிடும் என மிரட்டியுள்ளார்.

சாமியாரின் மிரட்டலுக்கு பயந்து அந்த பெண்ணும் இணங்கியுள்ளார். இதையடுத்து அந்த பெண்ணை சாமியார் செல்வமணி தினமும் வன்கொடுமை செய்து வந்துள்ளார்.

இடையில் என் மகளை என்னுடன் அனுப்புங்கள் என்று பெற்றோர் கேட்கும் போதெல்லாம், இன்னும் உனது குடும்ப பிரச்னை முழுவதும் தீரவில்லை. அதுவரை உன் மகள் எனது பாதுகாப்பில் இருக்கட்டும் என்று கூறியுள்ளார். சாமியாரின் பேச்சை நம்பி பெண்ணின் பெற்றோரும் திரும்பி சென்றுள்ளனர்.

Conclusion:ஒரு வருடம் கடந்தும் பெண்ணை அனுப்பாததால், சாமியாருக்கு தெரியாமல் பெண்ணை அவரது பெற்றோர் மீட்டு வந்துவிட்டனர். அப்போதுதான் அந்தபெண் தனக்கு நடந்த கொடுமைகளை தனது பெற்றொரிடம் விளக்கியுள்ளார்.

இதைகேட்டு அதிர்ச்சியடைந்த பெற்றோர் தனது மகளுக்கு நேர்ந்த கொடுமைகளை கூறி திண்டிவனம் அனைத்து மகளிர் காவல் நிலையத்தில் புகார் தெரிவித்துள்ளனர்.

அந்த புகாரின் அடிப்படையில் போலி சாமியார் செல்வமணி மற்றும் அவரது உதவியாளர் ஹேமா ஆகியோரை காவல் துறையினர் கைது செய்து விசாரணை நடத்தி வருகின்றனர். இந்த சம்பவம் அந்த பகுதியில் பரபரப்பை ஏற்படுத்தியுள்ளது.

For All Latest Updates