நகைச்சுவை நடிகரும், சமூக ஆர்வலருமான விவேக் உடல் நலக்குறைவால் ஏப். 17 அதிகாலை உயிரிழந்தார்.
இதையடுத்து குடியாத்தம் அடுத்த உள்ளி பகுதியைச் சேர்ந்த சமூக ஆர்வலர் ஸ்ரீகாந்த் பாலாற்றின் கரையில் 500 மரக்கன்றுகளை நட்டு நடிகர் விவேக் மறைவுக்கு அஞ்சலி செலுத்தினார். இவர் அதே பகுதியில் காட்டை உருவாக்கம் செய்து வருகிறார்.
இதுகுறித்து ஸ்ரீகாந்த் கூறியதாவது, "விவேக்கின் மறைவுக்கு அஞ்சலி செலுத்த வேண்டும் என்று நினைத்தால் மரங்களை நட்டு அஞ்சலி செலுத்துங்கள். 1 கோடி மரங்கள் நட வேண்டும் என்கிற அவருடைய கனவை நாம் நினைவாக்க வேண்டும்" என்றார்.
அதேபோல் வேலூரை சேர்ந்த இளைஞர் தினேஷ் சரவணன், வீடு வீடாக சென்று 100 மரக்கன்றுகளை கொடுத்து நடிகர் விவேக்கின் மறைவுக்கு அஞ்சலி செலுத்தினார்.
இதையும் படிங்க: 'சினிமாவுக்காக விவேக் செய்த தியாகம்'
