வேலூர் மாவட்டம் காகிதப்பட்டறையில் மாநகராட்சி அரசு நடுநிலைப் பள்ளி இயங்கி வருகிறது. பள்ளி கட்டடத்தின் மேற்கூரை இடிந்து காணப்படுவதாக புகார் எழுந்தது. இதனையடுத்து வேலூர் மாவட்ட ஆட்சியர் சண்முகசுந்தரம் திடீரென அங்கு ஆய்வு மேற்கொண்டார்.
கட்டடத்தின் தன்மை குறித்தும், மாணவர்களின் கல்வித் திறன் குறித்தும் ஆசிரியர்களிடம் விளக்கம் கேட்டார். பின்னர், மாணவர்களுக்கு உணவு தயாரிக்கும் சமையல் கூடத்தில் மாவட்ட ஆட்சியர் ஆய்வு செய்தார். அப்போது மாணவர்களுக்கு உணவு தயார் செய்யக்கூடிய காய்கறிகள் அழுகிய நிலையில் இருந்தது தெரியவந்தது.
அழுகிய முட்டைகளை மாணவர்களுக்கு கொடுப்பதற்காக வைத்திருந்ததையும் ஆட்சியர் கண்டுபிடித்தார். இதையடுத்து பணியில் அலட்சியமாக இருந்ததாக அந்தப் பள்ளியின் சத்துணவு அமைப்பாளர் அம்மு என்பவரை பணியிடை நீக்கம் செய்து மாவட்ட ஆட்சியர் அதிரடி உத்தரவு பிறப்பித்தார்.
மேலும் பள்ளியின் தலைமை ஆசிரியருக்கு இதுதொடர்பாக விளக்கம் கேட்டு மாவட்ட ஆட்சியர் நோட்டீஸ் அனுப்ப உத்தரவிட்டுள்ளார்.
இதையும் படிங்க: அங்கான்வாடி குழந்தைகளுக்கு கெட்டுப்போன முட்டைகள்!
