திருச்சி மாவட்டம் ராம்ஜிநகர் வண்ணாங்கோயில் என்ற பகுதி அருகே சில நாள்களுக்கு முன்பு இருசக்கர வாகனம் மீது ஜீப் மோதி விபத்துக்குள்ளானது. இதில் மனைவி, பேரனுடன் இருசக்கர வாகனத்தில் வந்த முதியவர் மயங்கிவிழுந்தார்.
முதியவரின் உடல் அசைவற்று கிடந்ததால் அவர் இறந்துவிட்டதாகக் கருதி அவசர ஊர்திக்கு தகவல் கொடுத்தனர். அங்கு ரோந்துப் பணியில் ஈடுபட்டிருந்த காவலர் பிரபு விபத்து ஏற்பட்ட இடத்துக்கு வந்தார். முதியவரின் நாடியைப் பிடித்துப் பார்த்ததில், அவருக்கு உயிர் இருந்தது தெரியவந்தது.
இதையடுத்து, முதியவரின் மார்பில் கையை வைத்து அழுத்தி முதலுதவி சிகிச்சை அளித்ததில், முதியவர் கண்விழித்து எழுந்தார். உடனடியாக அவரை அருகிலிருக்கும் மருத்துவமனைக்கு அனுப்பிவைத்தனர். விபத்தில் காயமடைந்த முதியவருக்கு காவலர் உதவும் இந்தக் காட்சி, தற்போது சமூக வலைதளங்களில் வைரலாகப் பரவிவருகிறது.
முதியவருக்கு முதலுதவி சிகிச்சை அளித்த காவலரைப் பலரும் பாராட்டிவருகின்றனர்.
இதையும் படிங்க: இரண்டாவது மனைவி மீது கொள்ளை பிரியம்: முதல் மனைவியை கொன்ற ஆசிரியர்
