திருச்சி மாவட்டம் துவரங்குறிச்சி அடுத்த எஸ்.மேட்டுப்பட்டியைச் சேர்ந்தவர் கருப்பையா. விவசாயியான இவர், துவரங்குறிச்சியில் உள்ள தேசியமயமாக்கப்பட்ட வங்கியில் தனது உறவினர் ஒருவருடன் 18 சவரன் நகையை மூன்று லட்சத்துக்கு அடமானம் வைத்துள்ளார்.
பின்னர், பணத்தை பெற்றுக்கொண்டு தனது இருசக்கர வாகனத்தில் மேட்டுப்பட்டி நோக்கி சென்று கொண்டிருந்தார், அப்போது துவரங்குறிச்சி அரசு மருத்துவமனை எதிரில் இவரைப் பின்தொடர்ந்து வந்த இளைஞர்கள் இருவர், சாலையில் உங்கள் பணம் கிடப்பதாக கூறினர்.
இதனை நம்பி முதியவர் எடுக்கச் சென்றுள்ளார். அந்நேரம் பார்த்து அவரது இருசக்கர வாகனத்தில் இருந்த மூன்று லட்சம் ரூபாய்யை இளைஞர்கள் எடுத்துச் சென்றனர். இதுகுறித்து துவரங்குறிச்சி காவல் நிலையத்தில் புகார் அளிக்கப்பட்டதை தொடர்ந்து, காவல் துறையினர் வழக்குப் பதிவு செய்து விசாரணை மேற்கொண்டு வருகின்றனர்.
இதையும் படிங்க: வங்கியில் பணம் செலுத்த வந்த பெண்ணிடம் ரூ.50 ஆயிரம் கொள்ளை
