திருச்சி மணிகண்டம் அருகேயுள்ள தனியார் பொறியியல் கல்லூரி மாணவ மாணவிகளுக்கு, ஒரு இளைஞர் அமைப்பு சார்பில் தொழில் திறன் மேம்பாட்டு பயிற்சி நடைபெற்றது. இந்நிகழ்வில் இளைஞர் அமைப்பின் தென்னிந்திய பொறுப்பாளர் மற்றும் நிர்வாகிகள், பேராசிரியர்கள் மாணவ மாணவிகள் அனைவரும் ஆர்வத்துடன் பங்கேற்றனர்.
பின்னர் செய்தியாளர்களைச் சந்தித்த தனியார் அமைப்பின் தென்னிந்திய பொறுப்பாளர் பாண்டியராஜ், "கடந்த நான்கு ஆண்டுகளாக வட மாநிலங்களில் செயல்பட்டு வந்த, இந்த அமைப்பு தற்போது தமிழ்நாடு, ஆந்திரா, தெலங்கானா, கேரளா உள்ளிட்ட தென்னிந்திய மாநிலங்களில் தொடங்கப்பட்டுள்ளது. தமிழ்நாட்டில் தற்போது வரை 20 கல்லூரிகளில் இந்த அமைப்பு உள்ளது. இது ஒரு அரசியல் சாராத அமைப்பாகும். இதன்மூலம் மாணவ மாணவிகளை தொழில்முனைவோராகவும், தன்னம்பிக்கை உடையவர்களாக ஆக்குவதும் இந்த அமைப்பின் நோக்கமாகும்.
விரைவில் தேசிய அளவிலான தொழில் நிறுவனங்களை திரட்டி ஒரே நேரத்தில் ஒரு லட்சம் மாணவ மாணவிகள் பங்கேற்கும் வகையில் வேலைவாய்ப்பு முகாம் நடத்த திட்டமிட்டுள்ளோம். இந்த வகையில் இந்த தனியார் பொறியியல் கல்லூரியில் ஆயிரக்கணக்கான மாணவ மாணவிகளுக்கு தொழில் முனைவோர் மேம்பாட்டுப் பயிற்சி அளிக்கப்பட்டது" என்று கூறினார்.
