‘சுஜித்தை மீட்கும் வரை தீபாவளி இல்லை’ - சொந்த கிராம மக்கள் உருக்கம்!

திருச்சி: மணப்பாறை நடுக்காட்டுப்பட்டியில் ஆழ்துளைக் கிணற்றில் விழுந்த சுஜித்தை மீட்கும் வரை எங்களுக்கு தீபாவளி கிடையாது என சுஜித்தின் சொந்த கிராம மக்கள் உறுதிபட தெரிவித்துள்ளனர்.

திருச்சி மணப்பாறையில் உள்ள நடுக்காட்டுப்பட்டியில் ஆழ்துளைக் கிணற்றில் தவறி விழுந்த சுஜித்தை மீட்கும் பணி 42 மணிநேரங்களாக தொடர்ந்து நடைபெற்றுக் கொண்டிருக்கிறது.

நாடு முழுவதும் தீபாவளி பண்டிகையை இனிப்புடன் கொண்டாடிவரும் சூழலில் நடுக்காட்டுப்பட்டி மற்றும் அதனைச் சுற்றியுள்ள பகுதிகளில் தீபாவளி பண்டிகைக்கான எந்த அறிகுறியும் தெரியவில்லை. அப்பகுதி மக்கள் சுஜித்துக்காக தீபாவளியை தியாகம் செய்துள்ளனர்.

நடுக்காட்டுப்பட்டியில் ஒரு பட்டாசு சத்தம் கூட கேட்காத நிலையில், அப்பகுதிவாசிகள் அனைவரும் சுஜித் மீண்டு வந்த பிறகுதான் உன்மையான தீபாவளி என்று வருகைக்காக காத்திருக்கின்றனர்.

இதையும் படிங்க: 'கை'ப்பற்றிய குழந்தை... துளிர்த்த நம்பிக்'கை'! - மீட்கும் பணி தீவிரம்