திருப்பூரிலுள்ள உடுமலை - கொழுமம் பிரதான சாலையில் விரிவாக்கப் பணி நடைபெற்று வருகிறது. பிரதான சாலையின் நடுவே திருமூர்த்தி கால்வாய் செல்கிறது. அதன் குறுக்கே அமைந்துள்ள பாலத்தின் விரிவாக்கப்பணி இந்த மாத ஆரம்பத்தில் தொடங்கியது.
ஆமை வேகத்தில் நடைபெறும் பால விரிவாக்கப்பணி
ஆனால் இந்த பணி ஆமை வேகத்தில் நடைபெற்று வருகிறது. இதனால் அந்த வழியாகச் செல்லும் வாகன ஓட்டிகளுக்கு கடும் சிரமம் ஏற்பட்டுள்ளது. அது பேருந்துகளும், லாரிகளும் அதிகம் செல்லும் வழி என்பதால் விரைவில் விரிவாக்கப் பணியை முடிக்க வேண்டும் என அப்பகுதி மக்கள் கோரிக்கை விடுத்துள்ளனர்.
