திருப்பத்தூர் மாவட்டம் பொன்னியம்மன் கோயில் தெருவிலுள்ள பொன்னியம்மன் கோயில் பத்மநாபன் பூங்காவில், செங்குந்தர் கல்வி அறக்கட்டளை சார்பில் இந்த ஆண்டு 10, 12ஆம் வகுப்பில் முதல் மூன்று இடங்களில் தேர்ச்சி பெற்ற மாணவர்கள் மற்றும் உயர் கல்வி பயிலும் மாணவர்களுக்கு கல்வி உதவித்தொகை வழங்கும் நிகழ்ச்சி நடைபெற்றது.
இந்நிகழ்ச்சியானது செங்குந்தர் கல்வி அறக்கட்டளை தலைவர் திருமலை தலைமையில் நடைபெற்றது. இதில், 10ஆம் வகுப்பில் முதல் மதிப்பெண் பெற்ற மாணவருக்கு 3000 ரூபாய், இரண்டாம் இடம் பெற்ற மாணவர்களுக்கு 1,500 ரூபாய், மூன்றாம் இடம் பிடித்த மாணவர்களுக்கு 1000 ரூபாய் வழங்கப்பட்டது.
அதுபோல, 12ஆம் வகுப்பில் முதல் மதிப்பெண் பெற்றவருக்கு 5000 ரூபாய், இரண்டாம் மதிப்பெண் பெற்றவருக்கு 3000 ரூபாய், மூன்றாம் மதிப்பெண் பெற்றவருக்கு 1500 ரூபாய் கல்வி உதவித்தொகை வழங்கப்பட்டது. மேலும், உயர் கல்வியில் பயிலும் கல்லுாரி மாணவர்களுக்கு தலா 5000 ரூபாய் வழங்கப்பட்டது. செங்குந்தர் கல்வி அறக்கட்டளை சார்பில் ஒவ்வொரு ஆண்டு கல்வி உதவித்தொகை வழங்கப்படுவது குறிப்பிடத்தக்கது.
இதையும் படிங்க: வாணியம்பாடியில் வேளாண்மை விரிவாக்க மையத்திற்கு அடிக்கல் நாட்டிய அமைச்சர்கள்!
