பிக்கப் ஆட்டோவில் 1 டன் ரேஷன் அரிசி பறிமுதல்

திருப்பத்தூர்: வாணியம்பாடி அருகே பிக்கப் ஆட்டோவில் 1 டன் ரேஷன் அரிசி பறிமுதல் செய்யப்பட்டு, தப்பி ஓடிய ஓட்டுநரை காவல் துறையினர் தேடி வருகின்றனர்.

திருப்பத்தூர் மாவட்டம் வாணியம்பாடி அடுத்த செட்டியப்பணுர் சோதனைச்சாவடியில் காவல் துறையினர் வாகன தணிக்கையில் ஈடுபட்டிருந்தனர். அப்போது, சென்னையில் இருந்து திருப்பத்தூர் நோக்கி வந்த பிக்கப் ஆட்டோ ஒன்றை நிறுத்தி சோதனை செய்தனர்.

அதில் அத்தியாவசியப் பொருள்களான காய்கறிகளை கொண்டு செல்வது போல் மேலே முழுவதும் காய்கறி கூடைகளை அடுக்கிவிட்டு வாகனத்தில் 1 டன் ரேஷன் அரிசி கடத்திச் செல்வது கண்டுபிடிக்கப்பட்டது.

பறிமுதல் செய்யப்பட்ட ரேஷன் அரிசி மூட்டை

அப்போது பிக்கப் ஆட்டோவை ஓட்டி வந்த ஓட்டுநர் காவல் துறையை கண்டு தப்பி ஓடினர். இந்த நிலையில் கடத்தலுக்கு பயன்படுத்தப்பட்ட வாகனம், 1 டன் ரேஷன் அரிசியை பறிமுதல்செய்த கிராமிய காவல் துறையினர் ஓட்டுநரை தேடிவருகின்றனர்.வாணியம்பாடி அருகே காய்கறி ஏற்றிச் சென்ற வாகனத்தில் மறைத்து 1 டன் ரேஷன் அரிசி கடத்திய சம்பவம் அப்பகுதியில் பெரும் பரபரப்பை ஏற்படுத்தியுள்ளது.