திருப்பத்தூர் மாவட்டம்: திருப்பத்தூர் மாவட்டம், வாணியம்பாடி மற்றும் சுற்றுவட்டாரப் பகுதிகளில் கடந்த 3 நாட்களாகப் பெய்த கனமழை காரணமாக நீர்நிலைகள் நிரம்பி, அதன் உபரி நீர் வெளியேறி வருகிறது.
வெளியேறும் உபரிநீர், ஆக்கிரமிப்பால் வெளியேற முடியாமல் வாணியம்பாடியின் திருவள்ளுவர் நகர், தர்ஜிப் பேட்டை உள்ளிட்ட ஐந்திற்கும் மேற்பட்டப் பகுதிகளில் புகுந்துள்ளது.
வெள்ள நீரால் கடந்த 3 நாட்களாக, அப்பகுதி மக்கள் சாப்பிட முடியாமலும், தூங்க முடியாமலும் அவதிப்பட்டு வருகின்றனர்.
இதனைப்பார்க்க அலுவலர்கள் யாரும் வராததாலும், வெள்ள நீரை வெளியேற்ற நடவடிக்கை மேற்கொள்ளாததாலும் ஆத்திரமடைந்த அப்பகுதி மக்கள் சென்னை - பெங்களூரு தேசிய நெடுஞ்சாலையில் மறியல் போராட்டத்தில் ஈடுபட்டனர்.
இதனைத்தொடர்ந்து மறியல் போராட்டத்தில் ஈடுபட்டவர்கள் கலைந்து சென்றனர். இதனால் சென்னை - பெங்களூரு தேசிய நெடுஞ்சாலையில் சுமார் ஒரு மணி நேரம் போக்குவரத்து பாதிக்கப்பட்டது.
இதையும் படிங்க: விசாரணை படத்தை விட ஜெய் பீம் பிரமாதமானதல்ல- கார்த்தி சிதம்பரம்
