திருப்பத்தூர் ஆம்பூர் அடுத்த மாதனூர் சீதாப்புரம் பகுதியைச்சேர்ந்தவர் சரவணன் (36). விவசாயியான இவர், இன்று பிற்பகல் மாதனூர் பகுதியிலிருந்து சென்னை - பெங்களூரு தேசிய நெடுஞ்சாலையில் தனது இருசக்கர வாகனத்தில் சீதாபுரத்தில் உள்ள தனது வீட்டிற்குச்சென்று கொண்டிருந்தார்.
அப்போது நொண்டிகுப்பம் என்ற இடத்தில் சரவணன் சென்று கொண்டிருந்தபோது இருசக்கர வாகனத்தின் பக்கவாட்டு ஸ்டாண்ட் (side stand) எடுக்காததால் நிலைதடுமாறி சாலையோரம் இருந்த தடுப்புச்சுவரில் மோதி விபத்துக்குள்ளானது. இதில் தடுப்புச்சுவரில் இருசக்கர வாகனம் மோதிய வேகத்தில் சரவணன் தலை நசுங்கி சம்பவ இடத்திலேயே உயிரிழந்துள்ளார்.
உடனடியாக இதுகுறித்து தகவலறிந்து சம்பவ இடத்திற்கு விரைந்த ஆம்பூர் கிராமிய காவல்துறையினர் உடலை மீட்டு பிரேதப்பரிசோதனைக்காக ஆம்பூர் அரசு மருத்துவமனைக்கு அனுப்பி வைத்தனர். இந்த விபத்து குறித்து வழக்குப்பதிவு செய்து விசாரணை மேற்கொண்டு வருகின்றனர்.
இதையும் படிங்க: சாயல்குடி அருகே அரசு பேருந்து விபத்து - 8 பேர் படுகாயம்
