தூத்துக்குடி: ஸ்ரீவைகுண்டம் அருகேவுள்ள கிளாக்குளம் கிராமத்தில் கோயில் திருவிழா நடைபெற்றது. இத்திருவிழாவை முன்னிட்டு கடைசி நாளில் இன்னிசை கச்சேரி நடத்தப்பட்டது. இந்த இன்னிசை கச்சேரியில் பாடும் பாடலுக்கு ஏற்ப அப்பகுதியைச்சேர்ந்த இளைஞர்கள் மேடையின் ஓரமாக நடனமாடிக்கொண்டிருந்தனர்.
இதனைக்கண்ட அங்கிருந்த முதியவர் ஒருவர், நானும் ‘மைக்கேல் ஜாக்சன்’ தான் என கூறி இளைஞர்களுடன் ஆடினார். இதனை வெகுநேரமாக பார்த்துக்கொண்டிருந்த அவருடைய மனைவி நேராக முதியவரிடம் சென்று, வடிவேலுவை கோவை சரளா பிரட்டி பிரட்டி எடுப்பதுபோல், முதியவரின் சட்டையைப்பிடித்து இழுத்து, கையை முறுக்கி முதுகில் கும்மாங்குத்து குத்தினார்.
மனைவி கொடுத்த முரட்டு குத்தினால் கையை தூக்க முடியாமல் ஓரமாக நின்று கொண்டிருந்தார்,அந்த முதியவர். மனைவி வருவதை சற்றும் எதிர்பாராத முதியவர், அடி வாங்கிக்கொண்டே நைஸாக அங்கிருந்து நழுவினார். இதனைக்கண்ட ஊர் மக்கள் வயிறு குலுங்க குலுங்க சிரித்தனர். இந்த சம்பவத்தை அப்பகுதியைச்சேர்ந்தவர்கள் வீடியோ எடுத்த நிலையில் தற்போது அந்த வீடியோ அப்பகுதியில் வைரலாகப் பரவி வருகிறது.
இதையும் படிங்க: Video: சுதந்திர தின நிகழ்ச்சியில் பேசும் போது மாரடைப்பால் தொழிலதிபர் மரணம்
