மாலத்தீவு முன்னாள் துணை அதிபரிடம் தொடரும் விசாரணை! - மாலத்தீவு

தூத்துக்குடி: நேற்று பிடிபட்ட மாலத்தீவு முன்னாள் துணை அதிபரிடம் விசாரணை நடத்த டெல்லி, சென்னையிலிருந்து குடியுரிமை அலுவலர்கள் தூத்துக்குடி வந்துள்ளனர்.

அகமது அதீப்

Published : Aug 2, 2019, 12:32 PM IST

தூத்துக்குடியிலிருந்து மாலத்தீவுக்கு ஒன்பது பேருடன் சென்ற கப்பல் மீண்டும் தூத்துக்குடி வந்தகொண்டிருந்தபோது அதில் மேலும் ஒரு புதிய நபர் இருப்பதாக கிடைத்த தகவலையடுத்து கடலோர கப்பல்படை அலுவலர்கள் அவரை கைது செய்தனர்.

பின்னர், அவரிடம் உளவுத் துறையினர் விசாரிக்கையில் அந்நபர் மாலத்தீவு முன்னாள் துணை அதிபர் அகமது அதீப் என்றும் மாலத்தீவில் அவர் மீது ஏற்கனவே பல வழக்குகள் நிலுவையில் இருப்பதும் தெரியவந்தது. 2015ஆம் ஆண்டு அப்போதைய மாலத்தீவு அதிபர் அப்துல்லா யாமீனை கொலை செய்ய முயற்சித்த வழக்கில் சிறையில் அடைக்கப்பட்டிருந்த அகமது அதீப் தூத்துக்குடி வந்த கப்பலில் சிக்கியது பெரும் பரபரப்பை ஏற்படுத்தியது.

இந்த நிலையில் அகமது ஆதீப்பிடம் விசாரணை நடத்துவதற்காக டெல்லி, சென்னையிலிருந்து சேவியர் தன்ராஜ் தலைமையிலான குடியுரிமை அலுவலர்களும், உளவுத் துறை அலுவலகளும் விசாரணை நடத்துவதற்காக தூத்துக்குடிக்கு வருகின்றனர்.

அவர்கள் இன்று பிற்பகலில் அகமது ஆதிப்பிடம் விசாரணை மேற்கொள்வார்கள் என தகவல் வெளியாகியுள்ளது. குடியுரிமை அலுவலர்களின் விசாரணைக்கு பிறகே முக்கிய முடிவுகள் எடுக்கப்படும் என காவல் துறை வட்டாரங்கள் தெரிவிக்கின்றன.

Intro:தூத்துக்குடியில் பிடிபட்ட மாலத்தீவு முன்னாள் துணை அதிபரிடம் 2-வது நாளாக விசாரணை நடத்த டெல்லி, சென்னையிலிருந்து குடியுரிமை அதிகாரிகள் வருகைBody:

தூத்துக்குடி

தூத்துக்குடியில் இருந்து மாலத்தீவுக்கு கடந்த 11ந் தேதி கருங்கல் ஏற்றிக் கொண்டு மங்கோலியா நாட்டில் பதிவு செய்யப்பட்ட, மாலத்தீவை சேர்ந்த முராய்ப் என்பவருக்கு சொந்தமான விர்கோ 9 என்ற இழுவை கப்பல் புறப்பட்டு சென்றது. இந்த இழுவை கப்பலில் இந்தோனேசியாவை சேர்ந்த விவின்குணவான்(வயது 38) என்பவர் மாஸ்டராக பணியாற்றி வருகிறார். தலைமை அதிகாரிகளாக இந்தோனேசியாவை சேர்ந்த ஷலாகுதீன் மாஸ்வாதி(27), இக்ரா பாஸ்ரி(32) ஆகியோரும், என்ஜினீயராக இந்தோனேசியாவை சேர்ந்த ஜூமாதில் ஆசிஷ்(31) என்பவரும் பணியாற்றி வருகின்றனர். இதே போன்று தமிழகத்தை சேர்ந்த போஸ்கோ நிக்கோலஸ் பிரிட்டோ(49), இந்தோனேசியாவை சேர்ந்த இபுனு பாசரி(30), யாபுல் பகாரி(35), வாயுதீன்(27), மவுலிம் ஹாஸ்யம்(34) ஆகியோரும் அந்த கப்பலில் மாலுமிகளாக உள்ளனர்.
இந்த இழுவை கப்பல் மாலி துறைமுகத்துக்கு சென்று சரக்கை இறக்கியது. கடந்த 27ந் தேதி அங்கு இருந்து மீண்டும் 9 மாலுமிகளுடன் தூத்துக்குடிக்கு புறப்பட்டு வந்தது. இந்த கப்பல் சிறிது தூரம் வந்த போது, வேறு ஒரு மர்ம ஆசாமி இந்த கப்பலில் ஏறி உள்ளார். இதற்கு கப்பலில் இருந்த இந்தோனேஷிய ஊழியர்கள் உதவியதாக கூறப்படுகிறது.

இந்த நிலையில் அந்த கப்பலில் இருந்த தமிழகத்தை சேர்ந்த போஸ்கோ நிக்கோலஸ் புதிதாக ஒரு நபர் இழுவை கப்பலில் ஏறி இருப்பதால் பிரச்சினை ஏற்பட வாய்ப்பு இருப்பதாக கருதினார். இதனால் அவர் இழுவை கப்பலின் உரிமையாளரான முராய்ப்க்கு தகவல் தெரிவித்தார். உடனடியாக முராய்ப், தனது கப்பலுக்கு சரக்கு ஏற்றி அனுப்பும், தூத்துக்குடியில் உள்ள தனியார் ஏற்றுமதி, இறக்குமதி நிறுவனத்தை தொடர்பு கொண்டு தகவலை தெரிவித்தார். சட்டவிரோதமாக மர்ம ஆசாமி கப்பலில் ஏறி இருப்பதால் ஏதேனும் பிரச்சினைகள் ஏற்பட வாய்ப்பு உள்ளது. ஆகையால் கப்பலை மீட்க நடவடிக்கை எடுக்குமாறு தெரிவித்ததாக கூறப்படுகிறது. இதைத் தொடர்ந்து அந்த ஏற்றுமதி, இறக்குமதி நிறுவனத்தினர் தூத்துக்குடி கடலோர காவல்படையினருக்கு தகவல் தெரிவித்தனர்.
சோதனை
அதன்பேரில் கடலோர காவல்படை ரோந்து கப்பல்கள் விரைந்து சென்றன. தூத்துக்குடி நோக்கி சர்வதேச கடல் எல்லையில் வந்து கொண்டு இருந்த விர்கோ 9 இழுவை கப்பலை வழிமறித்தனர். தொடர்ந்து கடலோர காவல்படை அதிகாரிகள் கப்பலுக்குள் சென்று சோதனை நடத்தினர். அப்போது 9 மாலுமிகளுக்கு பதிலாக 10 பேர் இருப்பது தெரியவந்தது. உடனடியாக கடலோர காவல்படையினர் அந்த கப்பலை சிறைபிடித்து தூத்துக்குடி பழைய துறைமுகத்துக்கு கொண்டு வந்தனர். அங்கு மத்திய உளவுப்பிரிவு அதிகாரிகள், ரா உளவுப்பிரிவு அதிகாரிகள், கடலோர காவல்படை அதிகாரிகள் தீவிர விசாரணை நடத்தினர்.
முன்னாள் துணை அதிபர்விசாரணையில் கப்பலில் 10வதாக இருந்த நபர் மாலத்தீவின் முன்னாள் துணை அதிபர் அகமது ஆதீப் என்பது தெரியவந்தது. இதனால் உஷாரான உளவுப்பிரிவு அதிகாரிகள் துருவி, துருவி விசாரணை நடத்தி வருகின்றனர். அகமது ஆதீப் எப்படி கப்பலில் ஏறினார். அவருக்கு யார் உதவி செய்தார்கள் என்பது குறித்தும் விசாரணை நடத்தி வருகின்றனர்.
இந்த அகமது ஆதீப் கடந்த 2015ம் ஆண்டு மாலத்தீவு துணை அதிபராக இருந்தார். 28-09-15 அன்று அப்போதைய மாலத்தீவு அதிபர் அப்துல்லா யாமீன் என்பவரை விரைவுப்படகில் வெடிகுண்டு வைத்து கொலை முயற்சி நடந்தது. இதில் அப்துல்லா யாமீன் எந்தவித காயமும் இன்றி தப்பினார். அதே நேரத்தில் படகில் இருந்த அவருடைய மனைவி, மகள் ஆகியோர் பலத்த காயம் அடைந்தனர். இந்த வழக்கில் துணை அதிபராக இருந்த அகமது ஆதீப் கடந்த 24-10-15 அன்று கைது செய்யப்பட்டார். இதைத் தொடர்ந்து 05-11-2015 அன்று அவர் துணை அதிபர் பதவியில் இருந்து நீக்கப்பட்டார். பின்னர் அவர் ஜெயிலில் அடைக்கப்பட்டு விசாரணை நடந்தது. இந்த வழக்கில் அமகது ஆதீப்புக்கு தண்டனை வழங்கப்பட்டது. அதே நேரத்தில் அரசியல் ரீதியாக அந்த தீர்ப்பு வழங்கப்பட்டு இருப்பதாக கருத்து எழுந்ததாக கூறப்படுகிறது. இதனால் கடந்த மே மாதம் இந்த வழக்கை மீண்டும் விசாரணை நடத்த கோர்ட்டு உத்தரவிட்டது. அதன்படி அகமது ஆதீப் ஜெயிலில் அடைக்கப்பட்டு இருந்தார். இந்த நிலையில் அவர் தூத்துக்குடிக்கு வந்த இழுவை கப்பலில் பிடிபட்டு இருப்பது பெரும் பரபரப்பை ஏற்படுத்தி உள்ளது.

இந்த நிலையில் 2-வது நாளான‌ இன்று, பிடிபட்ட முன்னாள் துணை அதிபர் அகமது ஆதீப்பிடம் விசாரணை நடத்துவதற்காக டெல்லி மற்றும் சென்னையில் இருந்து குடியுரிமை அதிகாரி சேவியர் தன்ராஜ் உள்பட உளவுத்துறை முக்கிய அதிகாரிகள் பலர் விசாரணை நடத்துவதற்காக தூத்துக்குடிக்கு வர உள்ளனர். அவர்கள் இன்று பிற்பகலில் அகமது ஆதிப்பிடம் விசாரணை மேற்கொள்வார்கள் என தகவல் தெரிவிக்கின்றனர்.

குடியுரிமை அதிகாரிகளின் விசாரணைக்கு பிறகே முக்கிய முடிவுகள் எடுக்கப்படும் என போலீஸ் வட்டாரங்கள் தெரிவிக்கின்றன.Conclusion:

For All Latest Updates