திருவாரூர் புதியபேருந்து நிலையம் அருகே விளமல் பகுதியில் பல்வேறு சிறு வணிகர்கள் உணவகம், மருந்தகம் எனப் பல ஆண்டுகளாக கடைகள் நடத்தி வருகின்றனர். நாளடைவில் இவர்கள் சாலையை ஆக்கிரமித்து கூரைகள், தளங்கள் அமைத்து உள்ளனர். இச்செயல்களால் சாலைகள் குறுகலாக காணப்படுவதால் வாகன ஓட்டிகள், தெருவோரம் நடந்து செல்பவர்கள் என பொதுமக்கள் பெரிதும் சிரமத்துக்குள்ளாகும் நிலை ஏற்பட்டது. இதனையடுத்து, ஆக்கிரமிப்பை அகற்றக்கோரி கடை உரிமையாளர்களுக்கு கெடு விதிக்கப்பட்டது. இதனை உரிமையாளர்கள் கண்டு கொள்ளாததால், நெடுஞ்சாலை துறையினர் ஆக்கிரமிப்பு செய்யப்பட்ட கடைகளை இன்று பொக்லைன் இயந்திரம் மூலம் இடித்து தரைமட்டமாக்கினர்.
சாலைகளை ஆக்கிரமித்து கட்டப்பட்ட கடைகள் அகற்றம்
