திருவாரூர் மாவட்டம் மன்னார்குடியில் நகராட்சிக்குச் சொந்தமான கடைகளின் வாடகை பன்மடங்கு உயர்த்தப்பட்டுள்ளது. இதனைக் கண்டித்து மன்னார்குடி வர்த்தக சங்கம் சார்பில் கண்டனப் பேரணி நடைபெற்றது.
இதில் ஹோட்டல் உரிமையாளர்கள், சுமைதூக்கும் தொழிலாளர்கள், மருந்து வணிகர்கள் தையல் தொழிலாளர்கள் என சுமார் ஆயிரத்திற்கு மேற்பட்டோர் தங்கள் கடைகளை அடைத்து மன்னார்குடி பெரியார் சிலையிலிருந்து நகராட்சி அலுவலகம் வரை பேரணியாகச் சென்றனர். மேலும் நகராட்சி நிர்வாகத்தைக் கண்டித்து கோஷங்களை எழுப்பினர்.
இதில் கடந்த இரண்டு ஆண்டுகளுக்கு முன் தேதியிட்டு கடைகளில் வாடகை தொகையை நிர்ணயம்செய்து தற்போது நிலுவைத் தொகையை வியாபாரிகளிடம் வசூல்செய்யும் அரசின் கொள்கை முடிவை திரும்பப்பெற வேண்டும், திடக்கழிவுகளுக்கான தொகையை குறைக்க வேண்டும் உள்ளிட்ட எட்டு அம்ச கோரிக்கைகள் வலியுறுத்தப்பட்டன. இந்தக் கடையடைப்புப் போராட்டத்தால் இப்பகுதி மக்களின் இயல்பு வாழ்க்கை பெரிதும் பாதிக்கப்பட்டது.
இதையும் படிங்க:
