திருவாரூர் மாவட்டம் நன்னிலம் அருகே உள்ள தஞ்சை பெரிய கோயிலுக்கு நிகரான வரலாற்று சிறப்புமிக்க கோயிலாக திருக்கொட்டாரம் ஐராவதீஸ்வரர் திருக்கோயில் திகழ்ந்து வருகிறது.
இக்கோயில் 800 ஆண்டுகள் பழமை வாய்ந்தது. இங்கு மகா சிவராத்திரியானது, வெகு விமர்சையாக கொண்டாடப்பட்டது. மேலும், 108 சிவ தலங்களில் ஒன்றாக திருக்கொட்டாரம் ஐராவதீஸ்வரர் ஆலயம் திகழ்கிறது.
திருஞானசம்பந்தரின் பாடல் பெற்ற திருத்தலமாகவும் மகரகபரிஷி எனும் முனிவர் வண்டு வடிவம் எடுத்து வந்து சிவனை தரிசித்து சென்றதாகவும், வெள்ளை யானையின் மீது ஏறி தேவேந்திரன் வந்து தரிசனம் செய்ததாகவும் புராண வரலாறுகள் உள்ளன.
இக்கோயிலின் மகா சிவராத்திரி வெகு விமர்சையாக கொண்டாடப்பட்டது. இங்கு நான்கு கால பூஜைகள் நடைபெற்றன. அதன்படி, சிவனுக்கு சந்தன அபிஷேகம், பால், இளநீர், தயிர் மற்றும் சங்கு நீர் கொண்டும் அபிஷேகங்கள் நடைபெற்றன.
இந்நிகழ்வில் உள்ளூர் மற்றும் வெளி மாநிலம், மாவட்டங்களிலிருந்தும் 500க்கும் மேற்பட்ட பக்தர்கள் கலந்து கொண்டனர்.
இதையும் படிங்க: திமுக வேட்பாளர் பட்டியல் வெளியானது
