திருவண்ணாமலை மாவட்டம், போளூர் வட்டம், செங்குணம் கிராம பொதுமக்கள் 30க்கும் மேற்பட்டோர் திருவண்ணாமலை மாவட்ட ஆட்சியர் அலுவலகத்திற்கு வந்து மாவட்ட ஆட்சியரிடம் மனு ஒன்றை அளித்தனர். அந்த மனுவில், “நாங்கள் செங்குணம் கிராமம், ரோட்டு தெருவில் 50க்கும் மேற்பட்ட குடும்பங்கள் வசித்துவருகிறோம். எங்களை மலையை விட்டு வெளியேற சொல்கிறார்கள். கனிம வளங்களை வெட்டி எடுப்பதற்கு மலையை டெண்டர் விட்டு இருப்பதால் மலையை உடைக்க போகிறோம் என்று சொல்கிறார்கள்.
ஆனால் இந்த மலையே நீராதாரமாக விளங்கி வருகிறது. கால்நடைகளும் இந்த மலையலிருந்து உற்பத்தியாகும் நீரை நம்பியே உள்ளன. ஆகவே இந்த மலையை உடைக்கவிருப்பதால் இப்பகுதியின் நீராதாரமாக விளங்கும் மலையை வைத்து வாழ்ந்து கொண்டிருக்கும் எங்களை மலையை விட்டு வெளியேற சொல்கிறார்கள்.
எங்கள் பிறப்பிடம் மலையடிவாரம், பல காலமாக வாழும் இடத்தில் எங்களை வாழ அனுமதிக்குமாறு செங்குணம் ஊர் பொதுமக்கள் சார்பாக கேட்டுக்கொள்கிறோம்” என்று குறிப்பிடப்பட்டுள்ளது.
இதையும் படிங்க:
