திருவண்ணாமலை மாவட்டத்தில் நாளுக்கு நாள் கரோனா பரவல் அதிகரித்து வருகிறது. தமிழ்நாடு அரசால் தொற்று பரவலைக் கட்டுப்படுத்த பல்வேறு நடவடிக்கைகள் எடுக்கப்பட்டும் பலனில்லை. உயிரிழப்பைத் தவிர்க்க அனைவரும் கரோனா தடுப்பூசி செலுத்திக் கொள்ள வேண்டுமென அரசு அறிவுறுத்தி வருகிறது.
இந்நிலையில் திருவண்ணாமலையின் வேங்கிக்கால் பகுதியில் உள்ள தமிழ்நாடு மின்வாரியத்துறை அலுவலகத்தில் கரோனா தடுப்பூசி முகாம் இன்று (மே.26) நடைபெற்றது. இதனை சட்டப்பேரவை துணை சபாநாயகர் கு.பிச்சாண்டி தொடங்கி வைத்து பார்வையிட்டார்.
இதனைத் தொடர்ந்து சோமாசிபாடி, கழிக்குளம், மேக்கலூர், கொளத்தூர் உள்ளிட்ட பகுதிகளில் நடைபெற்ற தடுப்பூசி முகாம்களையும் அவர் பார்வையிட்டார். இதேபோல் திருவண்ணாமலை வட்டாரப் போக்குவரத்து அலுவலகத்தில் நடைபெற்ற தடுப்பூசி முகாமை வட்டாரப் போக்குவரத்து அலுவலர் ஏ.குமார் தொடங்கி வைத்தார்.
இதையும் படிங்க : ராஜிவ் கொலை வழக்கில் எழுவரை விடுதலை செய்யக்கூடாது: சுப்பிரமணியன் சுவாமி வலியுறுத்தல்
