விவசாயி வீட்டில் கொள்ளை: அடையாளம் தெரியாத நபர்களுக்கு வலைவீச்சு!

திருவள்ளூர்: பொன்னேரியில் விவசாயி வீட்டின் பூட்டை உடைத்து ரூ. 3.50 லட்சம் ரொக்கப் பணத்தைக் கொள்ளையடித்து சென்ற அடையாளம் தெரியாத நபர்களை காவல்துறையினர் தேடி வருகின்றனர்.

திருவள்ளூர் மாவட்டம், பொன்னேரி பொன்னியம்மா நகரைச் சேர்ந்தவர் விவசாயி முனி கண்ணையா. இவர் வியாழக்கிழமை காலை ஆந்திராவில் உள்ள தனது தோட்டத்துக்கு சென்றுவிட்டு மாலை வீடு திரும்பியுள்ளார். அப்போது வீட்டின் கதவு உடைக்கப்பட்டிருப்பதை கண்டு அதிர்ச்சியடைந்த அவர் உள்ளே சென்று பார்த்த போது, பீரோவில் இருந்த ரூ.3லட்சத்து 50ஆயிரம் கொள்ளையடிக்கப்பட்டிருப்பது தெரியவந்தது.

பின்னர் இதுகுறித்து முனி கண்ணையா கொடுத்த புகாரின் பேரில் சம்பவ இடத்திற்கு வந்த பொன்னேரி காவல்துறையினர் சோதனை செய்து கிடைத்த தடயங்களை கொண்டு விசாரித்து வருகின்றனர்.