தென்காசி மாவட்டத்தில் கரோனா வைரஸ் பரவலைத் தடுக்க, மாவட்ட நிர்வாகத்துடன் இணைந்து காவல் துறை பல்வேறு நடவடிக்கைகளில் ஈடுபட்டு வருகிறது. குறிப்பாக, காவல் பணியைத் தாண்டி வீதி வீதியாகச் சென்று, காவல் துறையினர் கரோனா பாதிப்பு குறித்து பொதுமக்களுக்கு விழிப்புணர்வு ஏற்படுத்தி வருகின்றனர்.
மேலும், தேவையில்லாமல் வெளியே சுற்றித் திரியும் வாகன ஓட்டிகளிடமும் விழிப்புணர்வு ஏற்படுத்தி, வீட்டுக்கு அனுப்பி வைப்பதையும் காண முடிகிறது.
இந்த நிலையில், தென்காசி மாவட்டம் கடையநல்லூர் வட்ட காவல் துறையினர் அப்பகுதியைச் சேர்ந்த பள்ளி மாணவர்களுடன் இணைந்து விழிப்புணர்வு காணொலி ஒன்றை வெளியிட்டுள்ளனர்.
அதில், முகக்கவசம் அணிந்தபடி மாணவர்கள் வைரஸ் பரவும் விதம் குறித்து தத்ரூபமாக விளக்கிக் காட்டினர். குறிப்பாக, கை குலுக்குதல் மூலமும் அருகில் நின்று பேசுவதன் மூலமும் வைரஸ் எவ்வாறு பரவுகிறது என்பது குறித்து தெளிவாக விளக்குகின்றனர்.
இந்த காணொலியானது ஆளில்லா விமான கேமரா மூலம் எடுக்கப்பட்டுள்ளது.
இதையும் படிங்க : மதுக்கடைகளை நிரந்தரமாக மூட வேண்டும் - தமிழ்நாடு அரசுக்கு வலுக்கும் கோரிக்கை!
