ஓபிஎஸ் மகன் பெயர் கல்வெட்டு சர்ச்சை; முன்னாள் காவலர் கைது!

தேனி: கோவில் கல்வெட்டில் ஓபிஎஸ் மகன் பெயருடன் எம்பி பதவி இடம்பெற்றதால் ஏற்பட்ட சர்ச்சைக்கு காரணமான கோயில் நிர்வாகி வேல்முருகனை காவல்துறையினர் கைது செய்துள்ளனர்.

முன்னாள் காவலர் வேல்முருகன்

Published : May 18, 2019, 5:01 PM IST

Updated : May 18, 2019, 7:14 PM IST

தேனி மாவட்டம், குச்சனூர் கிராமத்தில் உள்ள காசி ஸ்ரீஅன்னபூரணி கோயில் கல்வெட்டில் துணைமுதலமைச்சர் மகனும், அதிமுக வேட்பாளருமான ரவீந்தரநாத்குமார் பெயரை நாடாளுமன்ற உறுப்பினர் எனப் பொறிக்கப்பட்டிருந்தது. இது மாநிலம் முழுவதும் பெரும் சர்சையை ஏற்படுத்தியது. நாடாளுமன்றத் தேர்தல் வாக்கு எண்ணிக்கை நடப்பத்ற்கு முன்பே தேனி நாடாளுமன்ற உறுப்பினர் ரவீந்தரநாத் குமார் என்று கல்வெட்டில் பொறிக்கப்பட்டது சட்டப்படி குற்றம் என்று எதிர்கட்சிகள் குற்றம் சாட்டின.

இந்நிலையில் தேர்தல் முகவரான சந்திரசேகர், சம்பந்தப்பட்டவர்கள் மீது உரிய நடவடிக்கை எடுக்கக்கோரி மாவட்ட காவல்கண்காணிப்பாளரிடம் புகார் அளித்தார். புகாரின் பேரில் வழக்குப்பதிவு செய்த காவல்துறையினர் கல்வெட்டு வைத்த கோயில் நிர்வாகியும், முன்னாள் தலைமை காவலருமான வேல்முருகன் என்பவரை கைது செய்துள்ளனர்.

கைது செய்யப்பட்ட கோவில் நிர்வாகியான வேல்முருகன் அதிமுகவின் தீவிர விசுவாசி ஆவார். தலைமைக் காவலராக பணிபுரிந்த காலத்தில் ஜெயலலிதாவை அவதூறாக பேசிய காங்கிரஸ் முன்னாள் தலைவர் ஈவிகேஎஸ் இளங்கோவனை கைது செய்ய வேண்டும் என்று மாவட்ட ஆட்சியர் அலுவலகம் முன்பு காவலர் சீருடையில் போராட்டம் நடத்தினார் என்பது குறிப்பிடத்தக்கது.

சுப.பழனிக்குமார் - தேனி. 18.05.2019.

தேனி அருகே குச்சனூர் கோவிலில் ஓபி.ரவீந்திரநாத்குமாருக்கு பாராளுமன்ற உறுப்பினர் என கல்வெட்டு வைத்த கோவில் நிர்வாகியான முன்னாள் காவலர் வேல்முருகன் கைது. ரவீந்திரநாத்குமாரின் தேர்தல் முகவர் கொடுத்த புகாரின் அடிப்படையில் மூன்று பிரிவுகளின் கீழ் வழக்கு பதிந்து கைது.

தேனி மாவட்டம் குச்சனூர் சனீஸ்வர பகவான் கோவில் வளாகத்தில் உள்ள காசி ஸ்ரீஅன்னபூரணி கோவிலில் நேற்று முன்தினம் ஓபிஎஸ் மகனுக்கு நாடாளுமன்ற உறுப்பினர் ஓபி.ரவீந்திரநாத்குமார் என்று கல்வெட்டு வைத்தது பெறும் சர்ச்சையை ஏற்படுத்தியது. இது தொடர்பாக ஓ.பி.ரவீந்திரநாத்குமாரின் தேர்தல் முகவரான சந்திரசேகர் இன்று மாவட்ட காவல் கண்காணிப்பாளர் அலுவலகத்தில் புகார் அளித்தார்.

இந்த புகாரின் அடிப்படையில் குச்சனூரைச் சேர்ந்த கோவில் நிர்வாகி வேல்முருகன் என்பவரை காவல்துறையினர் கைது செய்தனர். நற்பெயருக்கு கலங்கம் ஏற்படுத்துதல், பொய்யான ஆவணங்களை தயாரித்தல், தவறான ஆவணங்களை பொதுமக்கள் பார்வைக்கு வைத்தல் உள்ளிட்ட மூன்று பிரிவுகளில் கீழ் வேல்முருகன் மீது வழக்கு பதிவு செய்து கைது செய்யப்பட்டு சின்னமனூர் காவல்துறையினர் விசாரணை மேற்கொண்டு வருகின்றனர்.

கைது செய்யப்பட்ட கோவில் நிர்வாகியான வேல்முருகன் அதிமுகவின் தீவிர விசுவாசி, தலைமைக் காவலராக பணிபுரிந்த இவர் ஜெயலலிதாவை அவதூறாக பேசிய ஈவிகேஎஸ் இளங்கோவனை கைது செய்ய வேண்டும் என்று மாவட்ட ஆட்சியர் அலுவலகம் முன்பு காவலர் சீருடையில் போராட்டம் நடத்தினார். சொத்துக்குவிப்பு வழக்கில் மறைந்த முன்னாள் முதல்வர் ஜெயலலிதா பெங்களுர் சிறையில் அடைக்கப்பதற்கு எதிர்ப்பு தெரிவித்து காவலர் சீருடையில் தீக்குளிக்க முயற்சித்தார். பின்னர் உடல் நலக்குறைவால் மருத்துவமனையில் ஜெயலலிதா சிகிச்சை பெற்று வந்த போது விரைவில் குணமடைய வேண்டி காவலர் சீருடையிலே கோவிலில் மொட்டை அடித்து சர்ச்சையை ஏற்படுத்தியவர். இதனையடுத்து காவலர் பணியில் இருந்து கொண்டு தொடர்ந்து ஒழுங்கீன பணியில் ஈடுபட்டு வருவதாக மாவட்ட காவல் கண்காணிப்பாளர் கட்டாய பணி ஓய்வு வழங்கியது குறிப்பிடத்தக்கது.