தேனி: திமுக அரசு தனது தேர்தல் வாக்குறுதிகளை நிறைவேற்றாததைக் கண்டித்து தமிழ்நாடு முழுவதும் அதிமுக சார்பில் இன்று (ஜூலை. 28) கண்டன ஆர்ப்பாட்டம் நடைபெற்று வருகிறது. இதன் ஒரு பகுதியாக தேனி மக்களவை உறுப்பினர் ஓ.பி.ரவீந்திரநாத் தலைமையில் அதிமுகவினர் ஆர்ப்பாட்டம் நடத்தினர்.
பின்னர் செய்தியாளர்களிடம் பேசிய அவர், "தேர்தலில் கொடுத்த வாக்குறுதிகளை நிறைவேற்றாத திமுக அரசைக் கண்டித்து இன்றைய தினம் அதிமுக சார்பில் எழுச்சியுடன் ஆர்ப்பாட்டம் நடைபெற்று வருகிறது.
திமுக அரசை கண்டித்து போராட்டம்
தமிழ்நாட்டில் நீட் தேர்வை ரத்து செய்ய வேண்டும், மேகதாதுவில் கர்நாடக அரசு அணை கட்டுவதைத் தடுக்க வேண்டும் உள்ளிட்ட பிரச்சனைக்காக பிரதமரை சந்திக்கிறோம், பொறுப்புள்ள எதிர்க்கட்சியாக செயல்படுகிறோம்" என்றார்.
மக்களின் பிரச்னைகளுக்காக பிரதமரை சந்திக்கின்றோம்
இதையும் படிங்க: அதிமுகவில் தனி குடும்பம் ஆதிக்கம் செலுத்த முடியாது - சசிகலா குறித்து ஓபிஎஸ்
