நீலகிரி: குன்னூர் அடந்த வனப்பகுதிக்கு அருகே அமைந்துள்ளதால் கரடி, காட்டெருமை, சிறுத்தை, யானை போன்ற வனவிலங்குகள் ஊருக்குள் புகுந்துவருவது வாடிக்கையாகிவிட்டது. இதனால் அடிக்கடி பொருள்சேதங்களும், உயிர்சேதங்களும் ஏற்படுகின்றன.
அந்த வகையில் தேயிலை தோட்ட தொழிலாளி பீர்சிங் என்பவர் தோட்டப் பகுதியில் நேற்று (ஜனவரி 27) நடந்து சென்று கொண்டிருந்தார். அப்போது அந்த வழியாக வந்த காட்டெருமை திடீரென அவரை தாக்கியது. இதனால் வயிறு மற்றும் கழுத்து பகுதியில் படுகாயம் ஏற்பட்டு ரத்த வெள்ளத்தில் சரிந்து விழுந்தார் பீர்சிங்.
இதைக் கண்ட அருகில் இருந்த தோட்டத் தொழிலாளர்கள் காட்டெருமையை விரட்டி படுகாயம் அடைந்த பீர்சிங்கை குன்னூர் அரசு மருத்துவமனையில் கொண்டு சென்று சேர்த்தனர். அங்கு அவருக்கு தீவிர சிகிச்சை அளிக்கப்பட்டு வந்த நிலையில், மேல் சிகிச்சைக்காக கோவை அரசு மருத்துவமனை கொண்டு செல்லப்பட்டார். ஆனால், அங்கு சிகிச்சை பலனின்றி உயிரிழந்தார்.
இதையும் படிங்க: செம்பரம்பாக்கம் ஏரியில் 2 சிறுவர்கள் உயிரிழப்பு
