நீலகிரி மாவட்டத்தில் வாழும் படுகர் இன மக்களின் குலதெய்வமான ஹெத்தையம்மன் திருவிழா தற்போது நடைபெற்றுவருகிறது. இதில் உதகை அருகேயுள்ள தாவனெ என்னும் கிராமத்தில், வரும் திங்கட்கிழமை அன்று திருவிழா நடப்பதாக இருந்தது. கடந்த சில வருடங்களாகவே மேல் தாவனெ மற்றும் கீழ் தாவனெ ஆகிய இரண்டு ஊர்களை சேர்ந்த மக்களுக்கு ஹெத்தையம்மன் திருவிழாவை யார் நடத்துவது என கருத்து வேறுபாடு நிலவிவருகிறது.
கோட்டாசியரிடம் இந்தப் புகார் வந்ததையடுத்து இரு தரப்பினரும் இணைந்து கோயில் திருவிழா நடத்த வேண்டும், இல்லையெனில் வட்டாட்சியர் தலைமையில் கோயில் வேலைகள் நடைபெறும் என அறிவிக்கபட்டிருந்தது.
இந்நிலையில் கீழ் தாவனெ ஊர் பொதுமக்கள், மேல் தாவனெ ஊர் பொதுமக்களுக்கு எந்த அறிவிப்பும் கொடுக்காமல் கோயில் வேலைகளை செய்து வருவதாக கூறப்படுகிறது. எனவே கீழ் தாவனெ மக்கள் செய்துவரும் கோயில் வேலைகளை நிறுத்த வேண்டும், இல்லையெனில் தங்கள் ஊர் மக்களையும் சேர்த்து கோயில் பூஜை, அன்னதானம், கும்பாபிஷேகம் இவற்றை நடத்த வேண்டுமென மாவட்ட ஆட்சியர் முகாம் அலுவலகத்தை பெண்கள் உட்பட 100-க்கும் மேற்பட்ட மேல் தாவனெ மக்கள் முற்றுகையிட்டனர். பின்னர் கோட்டாட்சியர் இதற்கு காலை தீர்வு காணப்படும் என உறுதியளித்தபின் அனைவரும் கலைந்து சென்றனர்.
இதையும் படிங்க...கொதிக்கும் நீரை முகத்தில் ஊற்றிய டிஐஜி - துடிதுடித்த ராணுவ வீரர்!
