நீலகிரி மாவட்டம் குன்னூர் அருகே வெலிங்டன் மெட்ராஸ் ரெஜிமெண்ட் ராணுவ முகாமில், வீர மரணமடைந்த ராணுவ வீரர்களுக்கு மரியாதை செலுத்தும் நிகழ்ச்சி போர் நினைவுத் தூணில் நடைபெற்றது.
இந்நிகழ்ச்சியில் அருணாச்சல பிரதேச முன்னாள் ஆளுநர் பிரிகேடியர் பி.டி.மிஸ்ரா, அரசு உயர் அதிகாரிகள் மற்றும் வீர மரணமடைந்த ராணுவ வீரர்களின் உறவினர்கள் கலந்து கொண்டு மரியாதை செலுத்தினர். இதனையடுத்து ராணுவ பாண்ட் வாத்திய இசை முழங்க ராணுவ அதிகாரிகள் மவுன அஞ்சலி செலுத்தினர். இதனைத் தொடர்ந்து ராணுவ வீரர்களின் அணிவகுப்பும் நடைபெற்றது. இதில், முப்படை அதிகாரிகள், நாட்டின் பல்வேறு பகுதிகளில் இருந்தும் வருகை தந்திருந்த ராணுவ உயர் அதிகாரிகள் பங்கேற்றனர்.
