வாத்தை கவ்விச் சென்ற சிறுத்தை - சிசிடிவி காட்சி

நீலகிரி: குன்னூர் நகர்ப்பகுதியில் குடியிருப்புக்குள் புகுந்த சிறுத்தை ஒன்று வாத்து ஒன்றை கவ்விச் சென்ற சம்பவம் பரபரப்பை ஏற்படுத்தியுள்ளது.

நீலகிரி மாவட்டம் குன்னூர் மற்றும் சுற்றுப்புற வனப் பகுதிகளில், போதிய உணவு கிடைக்காதது உள்ளிட்ட பல்வேறு காரணங்களால் வனவிலங்குகள் நகர்ப் பகுதிக்குள் வந்து செல்கின்றன. இந்நிலையில் நேற்று (ஜூன் 2) அதிகாலை குன்னூர் நகர்ப் பகுதியில் உள்ள ஜீவன் என்பவரின் பங்களாவிற்குள் சிறுத்தை ஒன்று புகுந்தது.

அவர் வளர்த்து வந்த வாத்துக்களில் பெரிய வாத்து ஒன்றை, சிறிது நேரம் காத்திருந்து தூக்கிச் சென்றது. இந்த காட்சி வீட்டில் உள்ள சிசிடிவி கேமராவில் பதிவாகியுள்ளது. தகவலின் பேரில் குன்னூர் வனத்துறையினர் சம்பவ இடத்திற்கு வந்து கண்காணிப்பில் ஈடுபட்டனர்.

மீண்டும் இந்தப் பகுதிக்கு சிறுத்தை வந்தால் கூண்டு வைத்து பிடிக்கப்படும் என வனத்துறையினர் தெரிவித்துள்ளனர்.

இதையும் படிங்க: மலைப்பாம்பிடமிருந்து புள்ளிமானை காப்பாற்றிய போலீசார்