தஞ்சாவூர்: கும்பகோணம் கபிஸ்தலம் அருகே திருமண்டங்குடியில் திரு ஆருரான் சர்க்கரை ஆலை உள்ளது. இந்த ஆலையில் 5 அம்ச கோரிக்கைகளை வலியுறுத்தி தமிழக முதலமைச்சரின் கவனத்தை ஈர்க்கும் வகையில் கடந்த 30-ம் தேதி முதல் சர்க்கரை ஆலை முன்பு கரும்பு விவசாயிகள் பல்வேறு போராட்டத்தில் ஈடுபட்டு வருகிறார்கள்.
நேற்று (டிசம்பர் 7) 8-வது நாளாக கோரிக்கைகளை வலியுறுத்தி எருமை மாட்டிடம் மனு அளித்து போராட்டம் நடைபெற்றது. இதுவரை ஆலை நிர்வாகமோ, தமிழக அரசோ கண்டு கொள்ளாத நிலையில், 9-வது நாளான இன்று (டிசம்பர் 8) தங்களது கோரிக்கைகளை பறை அடித்து, தண்டோரா போட்டு வலியுறுத்தினர்.
தங்களது எதிர்ப்பினை நூதன முறையில் பதிவு செய்த விவசாயிகள், நிலுவை தொகை மற்றும் வங்கி கடனை முழுமையாக ஆலை நிர்வாகம் வழங்க முன்வராவிட்டால், ஆலையை விவசாயிகளிடமே ஒப்படைக்க வேண்டும் என வலியுறுத்தினர்.
இதையும் படிங்க: அறநிலையத்துறை சுற்றறிக்கைக்கு நீதிமன்றம் இடைக்காலத் தடை
