தஞ்சாவூர் மாவட்டத்தில் கரோனா வைரஸ் முன்னேற்பாடுகள் பணிகள் குறித்து வேளாண்மைத் துறை அமைச்சர் துரைக்கண்ணு தலைமையிலான ஆய்வுக் கூட்டம் மாவட்ட ஆட்சியர் அலுவலகத்தில் நடைபெற்றது.
அப்போது பேசிய அமைச்சர் துரைக்கண்ணு, கரோனா நோய் வராமல் தடுக்க தமிழ்நாடு முதலமைச்சர் பழனிசாமி போர்க்கால அடிப்படையில் நடவடிக்கை எடுத்து வருவதாகவும், பிரதமர் மோடி, முதலமைச்சர் தொலைக்காட்சி வாயிலாக உருக்கமான வேண்டுகோள் விடுத்துள்ளதாகவும், காணொலி காட்சி மூலம் மாவட்ட ஆட்சியர்கள், காவல்துறை கண்காணிப்பாளர்கள் ஆலோசனை செய்து வருவதுடன் மக்களை காக்க அனைத்து முயற்சிகளையும் மேற்கொண்டு வருவதாகவும் கூறினார்.
அதைத் தொடர்ந்து பேசிய தஞ்சாவூர் மாவட்ட ஆட்சியர் கோவிந்தராஜ், தஞ்சாவூர் மருத்துவமனை மருத்துவக் கல்லூரியில் 113 பேர் அனுமதிக்கப்பட்டு பெரும்பாலானோர் திருப்பி அனுப்பி விட்டதாகவும் 920 பேர் சந்தேகத்தின் பேரில் கண்காணிக்கப்பட்டு வருவதாகவும் தெரிவித்தார்.
இக்கூட்டத்தில் சமூக பரவலை பின்பற்றும் வகையில் அனைத்து அலுவலர்களும் இடைவெளிவிட்டு அமர்ந்து முகக் கவசம் அணிந்திருந்தனர்.
இதையும் படிங்க: கரோனா நிவாரணம்: திமுக சார்பில் ஒரு கோடி நிதி
