தென்காசி மாவட்டம் மேற்குத் தொடர்ச்சி மலைப்பகுதியானது பரந்து விரிந்து காணப்படும் அடர்ந்த வனப்பகுதியாகும். இந்த வனப்பகுதியில் அவ்வப்போது அத்துமீறி நுழையும் வேட்டை கும்பலும், கடத்தல் கும்பலும் வனப்பகுதிக்குள் சர்வ சாதாரணமாக சென்றுவருவதும், வனப்பகுதியில் மலைத்தேன் எடுக்க செல்லும் கும்பல்களும், தீ வைத்துவிட்டு தப்பிவருவது வழக்கமாக உள்ளது.
இந்தநிலையில் நேற்று (அக்.5) செங்கோட்டை வனசரகத்திற்குட்டபட்ட புளியரை உக்கனம் வனப்பகுதியில் திடீரென பல நூறு ஏக்கர் பரப்பளவில் தீப்பிடித்து எரிந்த வண்ணம் உள்ளது. இந்தப் பகுதியில் அரியவகை மரங்கள் நிறைந்து இருக்கும். தீயின் காரணமாக அரியவகை மரங்கள் எரிந்து நாசமாகி வருகிறது.
