இதுதொடர்பாக அவர் வெளியிட்டுள்ள செய்திக்குறிப்பில், ”சேலம் மாவட்டம் முழுவதும் உள்ள பொதுமக்கள் வீடுகளில் இருந்து வெளியே வருபவர்கள், கடைகள், வணிக நிறுவனங்கள், தொழிற்சாலைகள் உள்ளிட்டவற்றில் பணிபுரிபவர்கள், அனைத்து வகையான அலுவலகங்கள் உள்ளிட்ட அனைவரும் கட்டாயம் முகக்கவசம் அணிய வேண்டும்.
தனிமைப்படுத்துதலுக்கான விதிகளை மீறுவோர்களுக்கு ரூ.500 அபராதமும், முகக்கவசம் அணியாதவர்களுக்கு ரூ.200 அபராதமும், பொது இடங்களில் எச்சில் துப்புவோர்களுக்கு ரூ.500 அபராதமும், தகுந்த இடைவெளியை பின்பற்றாதவர்களுக்கு ரூ.500 அபராதமும், கட்டுப்பாட்டு பகுதிகளில் விதிகளை மீறும் தனி நபர்களுக்கு ரூ.500 அபராதமும், தொழில் நிறுவனங்கள், தொழிற்சாலைகள், வணிக நிறுவனங்கள், கடைகள் உள்ளிட்ட அனைத்திலும் விதிகளை மீறினால் 5 ஆயிரம் ரூபாய் அபராதமும் விதிக்கப்படும்” என எச்சரிக்கப்பட்டுள்ளது.
மேலும், “கரோனா வைரஸ் நோய் தொற்று பரவல் ஏற்படாமல் பொதுமக்கள் தங்களை பாதுகாத்துக்கொள்ள அனைத்து அரசு மருத்துவமனைகள், அரசு ஆரம்ப சுகாதார நிலையங்களில் இலவசமாகவும், தனியார் மருத்துவமனைகளில் ரூ.250 கட்டணத்துடனும் இந்நோய்க்கான தடுப்பூசிகள் போடப்பட்டு வருகின்றன.
பொதுமக்களில் 60 வயதிற்கு மேற்பட்டோரும், 45 வயதிற்கும் மேற்பட்டு சர்க்கரை நோய், இதய நோய், சிறுநீரக பாதிப்பு, கல்லீரல் பாதிப்பு உள்ளிட்ட பல்வேறு இணைநோய்களால் பாதிக்கப்பட்டவர்களும் மருத்துவர்களின் அறிவுரையின்படி இத்தடுப்பூசிகளை போட்டுக்கொள்ளளாம்.
கரோனா வைரஸ் நோய்த்தொற்று பரவாமல் தடுத்திட நோய்த்தடுப்பு பாதுகாப்பு முன்னெச்சரிக்கை நடவடிக்கைகளை சேலம் மாவட்ட நிர்வாகம் தீவிரமாக மேற்கொண்டு வருகின்றது. இந்நோய் தடுப்பு பாதுகாப்பு நடவடிக்கைகளுக்கு பொதுமக்கள், வியாபாரிகள், வணிக நிறுவனத்தார், தொழிலாளர்கள், பணியாளர்கள் உள்ளிட்ட அனைவரும் முழு ஒத்துழைப்பு அளித்திடுவதோடு, அனைவரும் கட்டாயம் முகக்கவசம் அணிந்து தகுந்த இடைவெளியை கடைப்பிடித்திட வேண்டும்” என்றும் தெரிவித்துள்ளார்.
இதையும் படிங்க: 'வேட்பாளர்கள் விளம்பரம் செய்ய அனுமதி பெற வேண்டும்' - மாவட்ட ஆட்சியர் அறிவிப்பு
