சேலத்தில் திருமண விழா ஒன்றில் கலந்துகொண்ட இந்திய கம்யூனிஸ்ட் கட்சியின் மாநிலச் செயலாளர் முத்தரசன் செய்தியாளர்களை சந்தித்தார். அப்போது பேசிய அவர், "மோடி அரசிடம் நிலையான கொள்கை இல்லை, ஒன்றிய அரசு நிறுவனங்களிடமிருந்து தடுப்பூசி பெறும்போது மூன்று விலைகளை நிர்ணயித்துள்ளது.
ஆனால் அந்தத் தடுப்பூசியின் பயன் ஒன்றுதான். ஒன்றிய அரசின் செயல்பாடை பார்த்தால், தமிழ் சினிமாவில் வரும் கவுண்டமணி - செந்தில் நகைச்சுவை தான் நினைவுக்கு வருகிறது.
பிரதமர் மோடி காமெடி செய்து வருகிறார். தடுப்பூசியின் பயன் ஒன்றுதான். ஆனால் அதற்கு பல விலைகளை ஒன்றிய அரசு அறிவித்துள்ளது.
கரோனா தொற்று குறைந்து வருவதால் 27 மாவட்டங்களில் டாஸ்மாக் கடைகளை திறக்க அரசு அனுமதியளித்துள்ளது. இதில் மக்கள் நலனுக்கு எது தேவையோ அந்த நடவடிக்கையை முதலமைச்சர் கண்டிப்பாக எடுப்பார் என்று இந்திய கம்யூனிஸ்ட் கட்சி விரும்புகிறது" என்று தெரிவித்தார்.
இதையும் படிங்க: ஆவின் பாலகங்களில் பால்வளத்துறை அமைச்சர் திடீர் ஆய்வு!
