சென்னை: 'விடாமுயற்சி' படத்தின் படப்பிடிப்பு வீடியோ (BTS) வெளியாகி இணையத்தில் வைரலாகி வருகிறது. லைகா புரொடக்ஷன்ஸ் தயாரிப்பில் மகிழ் திருமேனி இயக்கத்தில் அஜித், த்ரிஷா, அர்ஜூன், ஆரவ், ரெஜினா உள்ளிட்ட பலர் நடித்து வரும் திரைப்படம் ‘விடாமுயற்சி’. இத்திரைப்படத்திற்கு அனிருத் இசையமைத்துள்ளார். 2023ஆம் ஆண்டு ஆரம்பத்தில் தொடங்கிய ’விடாமுயற்சி’ படப்பிடிப்பு கடந்த டிசம்பர் மாதம் முடிவடைந்தது.
இப்படத்தில் அஜித்திற்கு ஜோடியாக த்ரிஷா நடித்துள்ளார். அதேபோல் மங்காத்தா படத்திற்கு பிறகு அஜித், அர்ஜூன் இருவரும் ஒரே படத்தில் நடித்துள்ளனர். படப்பிடிப்பின் போது பல தடைகளை சந்தித்த விடாமுயற்சி திரைப்படம் பொங்கல் பண்டிகைக்கு வெளியாகும் என அறிவிக்கப்பட்டது. இதனைத் தொடர்ந்து பல்வேறு காரணங்களால் தள்ளி வைக்கப்பட்டு வரும் பிப்ரவரி மாதம் 6ஆம் தேதி வெளியாகும் என படக்குழு அறிவித்துள்ளது.
இதனையடுத்து படக்குழு தற்போது தீவிர ப்ரமோஷனில் இறங்கியுள்ளது. இயக்குநர் மகிழ் திருமேனி விடாமுயற்சி கண்டிப்பாக ஹிட்டாகும் எனவும், இந்த படத்தில் அஜித்திற்கு அறிமுக காட்சி, பாடல் ஆகியவை கிடையாது. ஆனால் அஜித்தின் வித்தியாசமான நடிப்பை காணலாம் எனவும் கூறியுள்ளார். மேலும் மகிழ் திருமேனி யூடியூப் சேனல்களில் அளித்த நேர்காணலில், விடாமுயற்சி திரைப்படத்தின் மொத்த படப்பிடிப்பு 120 நாட்கள் மட்டுமே நடைபெற்றது.
Lights, camera, relentless action! 🎬🔥 Dive into the VIDAAMUYARCHI Trailer BTS that showcases the power and precision behind every frame. 💥
— Lyca Productions (@LycaProductions) January 30, 2025
FEB 6th 🗓️ in Cinemas Worldwide 📽️✨#Vidaamuyarchi #Pattudala #EffortsNeverFail#AjithKumar #MagizhThirumeni @LycaProductions… pic.twitter.com/LwmVSKSguV
ஆனால் 2 வருடங்கள் நடைபெற்றதாக வதந்திகள் பரவியன. இப்படத்தின் படப்பிடிப்பு பலமுறை தள்ளிப் போன நேரத்தில் எனக்கு அஜித் நம்பிக்கையாக இருந்தார் எனவும், விடாமுயற்சி திரைப்படத்தி்ன் தலைப்பை அஜித் தான் பரிந்துரை செய்தார் எனவும் மகிழ் திருமேனி கூறினார். மேலும் தன்னிடம் அஜித்குமார், சிவா, ஹெச்.வினோத் போன்று உங்களுடன் தொடர்ந்து பயணிக்கப் போவதாக உறுதி அளித்துள்ளதாகவும் இயக்குநர் மகிழ் திருமேனி கூறியுள்ளார்.
இந்நிலையில் பெரும் எதிர்பார்ப்பிற்கு மத்தியில் விடாமுயற்சி திரைப்படம் அடுத்த வாரம் வியாழன் (பிப்.6) அன்று வெளியாகிறது. இந்நிலையில் அமெரிக்கா, மலேசியா உள்ளிட்ட நாடுகளில் விடாமுயற்சி படத்தின் ப்ரீ புக்கிங்கில் சாதனை படைத்துள்ளது. இப்படம் ப்ரீ புக்கிங்கில் மட்டும் 2 கோடிக்கு மேல் சாதனை படைத்துள்ளதாக கூறப்படுகிறது. தமிழ்நாட்டில் வரும் பிப்ரவரி 2ஆம் தேதி விடாமுயற்சி படத்தின் டிக்கெட் புக்கிங் தொடங்கும் என எதிர்பார்க்கப்படுகிறது.
இதையும் படிங்க: ரஜினி, கமல் படங்களை தொடர்ந்து சிவாஜி படத்தில் கை வைத்த சிவகார்த்திகேயன்! - SK AND OLD MOVIE TITLES
இந்நிலையில் விடாமுயற்சி படத்தின் BTS எனப்படும் படப்பிடிப்பு வீடியோவை படக்குழு வெளியிட்டுள்ளது. இந்த வீடியோவில் படத்தில் இடம்பெற்ற சண்டைக் காட்சிகள் மேக்கிங் இடம்பெற்றுள்ளது. இந்த சண்டைக் காட்சிகள் அஜித் டூப் இல்லாமல் நடித்துள்ளார் என தெரிகிறது. விடாமுயற்சி படத்தின் BTS வீடியோ இணையத்தில் வைரலாகி வருகிறது.
