அதிமுகவில் இணைய வரவில்லை வாழ்த்துகள் சொல்லவந்தேன்: பெங்களூரு புகழேந்தி!

சேலம் : அதிமுகவில் நான் இணைய வரவில்லை முதலமைச்சருக்கு வாழ்த்துகள் சொல்ல வந்தேன் என்று அம்மா மக்கள் முன்னேற்றக் கழக கட்சியின் செய்தித் தொடர்பாளர் பெங்களூரு புகழேந்தி செய்தியாளர்களிடம் தெரிவித்தார்.

சேலத்தில் உள்ள முதலமைச்சர் எடப்பாடி பழனிசாமியை அம்மா மக்கள் முன்னேற்றக் கழக கட்சியின் செய்தி தொடர்பாளார் பெங்களூரு புகழேந்தி சந்தித்து பேசினார்.

• பின்பு செய்தியாளர்களை சந்தித்த புகழேந்தி கூறியதாவது, தமிழ்நாட்டில் நடந்து முடிந்த இடைத்தேர்தலில் வெற்றி பெற்ற அதிமுகவிற்கு வாழ்த்துகள் தெரிவிக்க வந்துள்ளேன்.
• உண்மையில் எனது இதயப்பூர்வமான வாழ்த்துகளை முதலமைச்சருக்கு தெரிவித்தேன்.
• மறைந்த முன்னாள் முதலமைச்சர் ஜெயலலிதாவிற்காக ஸ்ரீரங்கம் தொகுதியில் பணியாற்றினேன். அப்போது ஐம்பதாயிரம் வாக்கு வித்தியாசத்தில் வெற்றி கண்டோம்.
• அதே போன்று இரண்டு தேர்தல்களிலும் அதிக வாக்கு வித்தியாசத்தில் அதிமுக வெற்றிபெற்றுள்ளது.
• ஜெயலலிதா இருந்தால் எவ்வளவு வாக்கு வித்தியாசத்தில் வெற்றி பெற்றிருப்பாரோ அந்த அளவிற்கு வாக்கு வித்தியாசத்தில் தற்போது அதிமுகவிற்கு மாபெரும் வெற்றியை முதலமைச்சர் பெற்றுக் கொடுத்துள்ளார்.
• நான் அதிமுகவில் இணைய வரவில்லை, முதலமைச்சருக்கு தேர்தலில் வெற்றி பெற்றதற்கான வாழ்த்தை தெரிவிக்கவந்தேன்.
• அதிமுகவில் இணைவதாக இருந்தால் உங்களிடத்தில் (ஊடகம்) கூறிவிட்டுதான் இணைவேன் என்றார்.

இதையும் படிங்க : ஊழல் குற்றச்சாட்டில் திமுகவினர் சிறைக்கு செல்லாமல் இருந்தாலே போதும்: ஸ்டாலின் பேச்சுக்கு அமைச்சர் பதிலடி!