திமுக கூட்டணியில் உள்ள இந்திய யூனியன் முஸ்லிம் லீக் சார்பாக மக்களவைத் தேர்தலில் போட்டியிடும் வேட்பாளர் நவாஸ் கனி, பரமக்குடி இடைத்தேர்தலில் போட்டியிடும் திமுக வேட்பாளர் சம்பத்குமார் ஆகியோரின் அறிமுகக் கூட்டம் ராமநாதபுரத்தில் நடைபெற்றது.
இதில் இந்திய யூனியன் முஸ்லீம் லீக் கட்சித் தலைவர் காதர் மொகைதீன், முன்னாள் சட்டமன்ற உறுப்பினர் பாலபாரதி, முன்னாள் நாடாளுமன்ற உறுப்பினர் சந்திரன் உள்ளிட்ட அரசியல் கட்சி பிரமுகர்கள் பங்கேற்றனர்.
அப்போது மிச்சர் பாக்கெட்டுகளை கையில் கொடுப்பதற்கு பதிலாக மேடையில் மீதும் மேடையின் கீழும் தூக்கி அங்கும் இங்குமாக தொண்டர்களிடம் வீசினர். ஒரு கட்டத்தில் மிச்சர் பெட்டியை பறித்துக்கொண்ட தொண்டர்கள், பெட்டியில் இருந்த மிச்சர் பாக்கெட்டுகளை முந்தியடித்துக்கொண்டு எடுத்துச் சென்றனர். அதுமட்டுமல்லாமல் குடிமகன் ஒருவர் முன்னாள் அமைச்சர் சுப தங்கவேல் பேசிக்கொண்டிருந்தபோது மேடையில் வந்து கூச்சலிடுவது, நடனமாடுவது போன்ற செயல்களில் ஈடுபட்டது வேடிக்கையாக இருந்தது.
