ராமநாதபுரத்தில் 1 மணி நேரமாக வெளுத்து வாங்கிய மழை!

ராமநாதபுரம்: மாவட்டத்தில் பல்வேறு பகுதிகளில் சுமார் ஒரு மணி நேரம் வெளுத்து வாங்கிய மழையால், மக்கள் மகிழ்ச்சி அடைந்துள்ளனர்.

ராமநாதபுரம் மாவட்டத்தில் கடந்த சில நாள்களாக ராமேஸ்வரம், பாம்பன், கமுதி, பரமக்குடி, கடலாடி உள்ளிட்ட சுற்றுவட்டாரப் பகுதிகளில் மழை பெய்துவருகிறது.

கடந்த மூன்று நாள்களில் மாவட்டம் முழுவதும் சுமார் 30 செ.மீ. மழை பதிவாகியுள்ளது. இதில் அதிகபட்சமாக பரமக்குடியில் 5 செ.மீ. மழை பதிவாகியிருந்தது.

இந்நிலையில் இன்று, ராமநாதபுரம் நகரம், சுற்றுவட்டாரப் பகுதிகளில் காலை முதலே வானம் மேகமூட்டத்துடன் காணப்பட்ட நிலையில் 1 மணி நேரத்திற்கு மாவட்ட ஆட்சியர் அலுவலகம், பட்டினம்காத்தான், பாரதி நகர் உள்ளிட்ட பகுதியில் கனமழை பெய்தது. இதனால் விவசாயிகள், பொதுமக்கள் மகிழ்ச்சி அடைந்தனர்.