ராமநாதபுரத்தில் தொடர் மழை: 4 ஓட்டு வீடுகள் சேதம்

ராமநாதபுரம் மாவட்டத்தில் பெய்து வரும் தொடர் மழையால் நான்கு பேரின் ஓட்டு வீடுகள் இடிந்து விழுந்தன.

ராமநாதபுரம் மாவட்டத்தில் கடந்த சில தினங்களாக தொடர்ந்து மழை பெய்து வருகிறது. இந்த மழையால் கிராமப்புறங்களில் உள்ள ஊரணி கண்மாய்கள் நிரம்பின.

மேலும் அங்கிருந்து தண்ணீர் வெளியேறி வீடுகளை சூழ்ந்துள்ளன. இதனால் பொதுமக்கள் வீட்டை விட்டு வெளியே வரமுடியாமல் தவித்து வருகின்றனர்.

தற்போது காளியம்மாள், முனியம்மாள், காளீஸ்வரி, சேகர் ஆகிய நான்கு பேரின் ஓட்டு வீடுகள் இடிந்து விழுந்தன. அதிர்ஷ்டவசமாக உயிர் சேதம் எதுவும் ஏற்படவில்லை.

இதையும் படிங்க: தொடர் மழை ராமநாதபுரத்தில் 1 லட்சம் ஏக்கர் நெற்பயிர் நாசம்!