புதுக்கோட்டை: புதுக்கோட்டை தொண்டைமான் நகரைச் சேர்ந்த கலையரசன் என்ற இளைஞர் நேற்று (டிச.29) மாலை இருசக்கர வாகனத்தில் சென்று கொண்டிருந்தபோது, மர்ம நபர்கள் அவரை கடத்திச் சென்று கொடூரமாக வெட்டிக் கொலை செய்துள்ளனர்.
இதுகுறித்து தகவலறிந்து சம்பவ இடத்துக்கு சென்ற போலீசார் உடலைக் கைப்பற்றி பிரேத பரிசோதனைக்காக, அரசு மருத்துவக் கல்லூரி மருத்துவமனைக்கு அனுப்பி வைத்தனர். இந்த சம்பவம் தொடர்பாக போலீசார் வழக்குப்பதிவு செய்து விசாரணை மேற்கொண்டு வருகின்றனர்.
கலையரசன் குடும்பத்துக்கும் அவர்களது உறவினர்களுக்கும் இடையே பிரச்சனை இருந்ததாக கூறப்படும் நிலையில், முன்விரோதம் காரணமாக இந்த கொலை சம்பவம் நடந்ததா? என்ற கோணத்திலும் விசாரணை நடத்தப்பட்டு வருகிறது.
