தமிழ்நாட்டின் 27 மாவட்டங்களில் இன்று முதல் கட்டமாக உள்ளாட்சித் தேர்தல் நடைபெற்றது. புதுக்கோட்டை மாவட்டத்தில் வாக்குப்பதிவு விறுவிறுப்பாக நடைபெற்றது. இதில் இளைஞர்கள், பெரியவர்கள், வயதானவர்கள் என அனைவரும் ஆர்வமாக வாக்களித்தனர்.
புதுக்கோட்டை மாவட்டம் வாகவாசல் ஊராட்சிக்குள்பட்ட பகுதியில் இளைஞர்கள் இணைந்து 'எங்கள் வாக்கு விற்பனைக்கு அல்ல' என்று விளம்பரப் பதாகை ஏந்தி உறுதிமொழி எடுத்துக்கொண்டு வாக்களிக்கச் சென்றனர். தேர்தலில் போட்டியிடுபவர்கள் பணம் கொடுக்காமலும் வாக்காளர்கள் பணம் வாங்காமலும் தேர்தல் நடைபெற வேண்டும் என விழிப்புணர்வை ஏற்படுத்தும் வகையில் இளைஞர்கள் உறுதிமொழி ஏற்றனர். இளைஞர்களின் இந்தச் செயல் பொதுமக்களிடையே வரவேற்பைப் பெற்றது.
உறுதிமொழி ஏற்று வாக்களித்த இளைஞர்கள்
இதையும் படிங்க: தமிழ்நாடு நிதிநிலை அறிக்கை - நிதியமைச்சர் ஆலோசனை!
