புதுக்கோட்டை: தமிழ்நாடு இளைஞர் நலன் மற்றும் விளையாட்டுத்துறை அமைச்சர் உதயநிதி ஸ்டாலினின் பிறந்தநாளை முன்னிட்டு, புதுக்கோட்டை நகர திமுக இளைஞரணி மற்றும் புதுக்கோட்டை மாவட்ட அமெச்சூர் ஆணழகன் சங்கம் சார்பில், மாவட்ட அளவிலான மிஸ்டர் புதுக்கோட்டை - 2023 ஆணழகன் போட்டி நடைபெற்றது.
புதுக்கோட்டை திலகர் திடலில் நடைபெற்ற இந்த போட்டியில், மொத்தம் 10 பிரிவுகளில் போட்டி நடைபெற்றது. இதில் ஒவ்வொரு பிரிவுகளிலும் முதல் 3 இடங்களைப் பிடித்தவர்களுக்கு, சான்றிதழ் மற்றும் கேடயம் வழங்கப்பட்டது. மேலும் மிஸ்டர் புதுக்கோட்டை - 2023 பட்டத்தை, திருவப்பூரை சேர்ந்த விக்னேஸ்வரன் என்ற இளைஞர் வென்றார்.
அவருக்கு ரொக்கப் பரிசு, சான்றிதழ் மற்றும் கேடயம் ஆகியவை வழங்கப்பட்டது. இதனை புதுக்கோட்டை வடக்கு மாவட்ட திமுக செயலாளர் செல்லபாண்டியன் வழங்கினார். மேலும் இந்த போட்டியின் இடையே ‘மிஸ்டர் வேர்ல்ட்’ மற்றும் ‘மிஸ்டர் யுனிவர்ஸ்’ பட்டம் பெற்ற தஞ்சாவூரைச் சேர்ந்த கார்த்திக் ஈஸ்வர், தனது சிறப்பு தோற்றத்தை வெளிப்படுத்தினார்.
இதையும் படிங்க: "எனது கேப்டன்சியில் மாற்றத்தை கொண்டு வந்தவர் ஆஷிஷ் நெஹ்ரா" - ஹர்திக் பாண்டியா நெகிழ்ச்சி...
