பெரம்பலூர் அருகேயுள்ள வேலூர் கிராமத்தைச் சேர்ந்தவர் பெருமாள் மகன் மார்கெட் சேகர் (எ) சேகர். பல்வேறு குற்ற வழக்குகளில் தொடர்புடைய பிரபல ரவுடி சேகர், பெரம்பலூரைச் சேர்ந்த கோபி என்பவரின் வீட்டில் வைத்திருந்த ரூ.30 ஆயிரம் பணத்தை திருடியதாகத் கூறப்படுகிறது.
இந்நிலையில் கோபி, அவரது நண்பர் ரஃபீக், சேகர் ஆகியோர் பழைய பேருந்து நிலையம் அருகே அங்காளம்மன் கோயிலில் மது அருந்தியுள்ளனர். அப்போது, திருடிய பணத்தை திரும்பக் கேட்டதில் அவர்களுக்கிடையே ஏற்பட்ட தகராறில், ஆத்திரமடைந்த ரஃபீக் கட்டையால் தாக்கியதில் பலத்த காயமடைந்த சேகர் சம்பவ இடத்திலேயே உயிரிழந்தார்.
இந்தத் தகவலறிந்து சம்பவ இடத்திற்கு விரைந்த காவல் துறை, உடலை மீட்டு உடற்கூறாய்வுக்காக அரசு மருத்துவமனைக்கு அனுப்பிவைத்தனர். மேலும், வழக்குப்பதிவு செய்து விசாரணை மேற்கொண்டுவருகின்றனர்.
இதையும் படிங்க: சாலையில் திடீரென்று தீப்பிடித்த லாரி! - நாட்றம்பள்ளியில் பரபரப்பு
