டாஸ்மாக் கடை ஊழியரை தாக்கி ரூ. 3.46 லட்சம் பணம் கொள்ளை: மூவர் கைது!

நாமக்கல்: பரமத்தி வேலூர் அருகே ரோந்து பனியிலிருந்த காவல் துறையினர், டாஸ்மாக் கடை ஊழியரை தாக்கி 3 லட்சத்து 46 ஆயிரம் ரூபாய் பணத்தை கொள்ளையடித்த மூன்று இளைஞர்களை கைது செய்தனர்.

நாமக்கல் மாவட்டம் பரமத்தி வேலூர் காவல் துணைக் கண்காணிப்பாளர் ராஜாரண வீரன் தலைமையிலான காவல் துறையினர், மோகனூர் சாலையில் இருசக்கர வாகன தனிக்கையில் ஈடுபட்டுக்கொண்டிருந்தனர்.

அப்போது, அவ்வழியாக சந்தேகத்திற்கிடமாக வந்த மூன்று பேரை பிடித்து விசாரணை நடத்தினர். விசாரணையில், அவர்கள் தஞ்சாவூர் மாவட்டம் மேலதிருப்பந்திருத்தியைச் சேர்ந்த கஜேந்திரன் (37), குலாம் (எ) சதாம் உசேன் (27), கரந்தை பகுதியைச் சேர்ந்த ஆகாஷ் (19), ஆகியோர் என்பது தெரியவந்தது.