School Leave: தொடர் மழை - பள்ளி, கல்லூரிகளுக்கு விடுமுறை

தொடர் மழைக் காரணமாக மதுரை மாவட்டத்தில் உள்ள அனைத்துப் பள்ளி, கல்லூரிகளுக்கும் அம்மாவட்ட ஆட்சியர் இன்று (டிசம்பர் 4) விடுமுறை அறிவித்துள்ளார்.

தமிழ்நாடு முழுவதும் கடந்த சில நாள்களாக வளிமண்டல மேலடுக்குச் சுழற்சி காரணமாகப் பல்வேறு மாவட்டங்களில் தொடர்ந்து மழை பெய்துவருகிறது. இன்னும் ஒருசில நாள்களுக்குக் கன முதல் மிக கனமழை வரை பெய்யக்கூடும் எனச் சென்னை வானிலை ஆய்வு மையம் தெரிவித்துள்ளது.

இந்நிலையில், தொடர்ந்து பெய்துவரும் கனமழையால், மதுரை, விருதுநகர் மாவட்டங்களில் உள்ள அனைத்து பள்ளி, கல்லூரிகளுக்கும் அம்மாவட்ட ஆட்சியர்கள் இன்று விடுமுறை அறிவித்துள்ளார்.

அதேபோல், நாமக்கல், தூத்துக்குடி மாவட்டங்களில் மழைக்காரணமாக பள்ளிகளுக்கு மட்டும் இன்று விடுமுறை அறிவிக்கப்பட்டுள்ளது.