நாமக்கல் மாவட்டம் ராசிபுரம் அருகே உள்ள குமாரபாளையம் பகுதியில் இயங்கிவரும் மாதேஸ்சன் என்பவரின் நூற்பாலையில் இன்று அதிகாலை மின்கசிவின் காரணமாக பயங்கர தீ விபத்து ஏற்பட்டது. இச்சம்பவம் குறித்து அக்கம்பக்கத்தினர் ராசிபுரம் தீயணைப்புத் துறையினருக்குத் தகவல் தெரிவித்தனர்.
பின்னர், சம்பவ இடத்திற்கு விரைந்துவந்த தீயணைப்புத் துறையினர் பலமணி நேரம் போராடி, தீயை கட்டுக்குள் கொண்டுவந்தனர். இதில் சுமார் ரூ.20 லட்சம் மதிப்புள்ள இயந்திரங்கள், நூற்கள் முழுவதும் எரிந்து நாசமாகின.
மேலும், இரவு என்பதால் உயிர்சேதம் ஏதும் ஏற்படவில்லை. இது குறித்து, ராசிபுரம் காவல் துறையினர் வழக்குப்பதிவு செய்து விசாரணை மேற்கொண்டுவருகின்றனர்.
