திருமாவளவன் பேச்சு மக்களை திசைத்திருப்பும் செயல்- ஈஸ்வரன்!

நாமக்கல்: மத்திய மாநில அரசுகளுக்கு எதிரான மனநிலை உருவாகிவரும் வேளையில் திருமாவளவனின் மனு நூல் குறித்த பேச்சு மக்களை திசைத்திருப்பும் செயலாக அமைந்துள்ளது என கொமதேக பொதுச்செயலாளர் ஈஸ்வரன் சாடியுள்ளார்.

நாமக்கல்லில் கொங்குநாடு மக்கள் தேசிய கட்சியின் பொதுச்செயலாளர் ஈஸ்வரன் செய்தியாளர்களை சந்தித்தார். அப்போது பேசிய அவர், “ மத்திய, மாநில அரசுகளின் செயல்பாடுகள், பொது மக்களின் விமர்சனங்களுக்கு ஆளாகி வரும் சூழலில், மனுதர்ம நூல் குறித்து திருமாவளவன் பேசியிருக்க வேண்டியதில்லை.

திருத்தப்பட்ட வேளாண் சட்டம், புதிய கல்வி கொள்கை, திருத்தப்பட்ட மின்சார சட்டம், நீட் தேர்வு, அரசு பள்ளி மாணவர்களுக்கு 7.5% மருத்துவ இட ஒதுக்கீடு, மருத்துவ உயர்கல்வி படிப்பில் 50% இட ஒதுக்கீடு மறுப்பு உள்ளிட்ட பல பிரச்னைகளை பேச வேண்டிய இந்நேரத்தில், திருமாவளவனின் பேச்சால் ஊடக கவனமும், மக்கள் கவனமும் திசை திருப்பப்பட்டுள்ளது வருத்தமளிக்கிறது.