மயிலாடுதுறை மாவட்டம், சீர்காழி அருகே வடகால் துணை சுகாதார நிலையத்தில் செவிலியராகப் பணிபுரிந்தவர் உஷா. இவர் இன்று (மே.12) குளத்திங்கநல்லூருக்கு மாதாந்திர தடுப்பூசி செலுத்துவதற்காக இருசக்கர வாகனத்தில் சென்றுள்ளார்.
அப்போது அவருக்குப் பின்னே வந்த டிராக்டர் ஒன்று இருசக்கர வாகனத்தின் மீது மோதியது. இதில் உஷா சம்பவ இடத்திலேயே பரிதாபமாக உயிரிழந்தார். அதனைத் தொடர்ந்து, தகவலறிந்து சம்பவ இடத்திற்கு வந்த காவல் துறையினர் உஷாவின் உடலைக் கைப்பற்றி அரசு மருத்துவமனைக்கு உடற்கூராய்வுக்கு அனுப்பி வைத்தனர்.
அதனைத் தொடர்ந்து காவல் துறையினர் நடத்திய முதல்கட்ட விசாரணையில் 15 வயது சிறுவன் டிராக்டரை ஓட்டி வந்து விபத்து ஏற்படுத்தியது தெரிய வந்தது. செவிலியர் தினத்தன்று பணியின் நிமித்தமாகச் சென்ற செவிலியர் உயிரிழந்த சம்பவம் அப்பகுதியில் சோகத்தை ஏற்படுத்தியுள்ளது.
இதையும் படிங்க : கரோனாவை கட்டுப்படுத்த ஆலோசனை: ஸ்டாலின் தலைமையில் அனைத்து கட்சிக் கூட்டம்
