நாகப்பட்டினம்: காரைக்காலிலிருந்து மும்பைக்கு, நாகப்பட்டினம் வழியாக மதுபானங்கள் கடத்தப்படுவதாக நாகப்பட்டினம் ரயில்வே பாதுகாப்புப் படை காவல் துறையினருக்குத் தகவல் கிடைத்துள்ளது.
அதன்பேரில் ரயில்வே பாதுகாப்புப் படை காவல் துறையினர், காரைக்கால் ரயில் நிலையத்தில் அதிரடி சோதனையில் ஈடுபட்டனர். அப்போது மும்பை புறப்படத் தயாராக இருந்த ரயிலில், ஒன்பது பைகள் மட்டும் தனியாக இருப்பதைக் கண்ட, காவல் துறையினர், அதனை எடுத்து சோதனை செய்தனர்.
அதில் 50 ஆயிரம் ரூபாய் மதிப்பிலான 111 உயர் ரக வகை மாதுபாட்டில்கள் இருப்பதைக் கண்டறிந்தனர். பின்னர் மதுபாட்டில்களைப் பறிமுதல்செய்த நாகப்பட்டினம் ரயில்வே பாதுகாப்புப் படை காவல் துறையினர், மதுபானங்களைக் கடத்திச்செல்ல முயன்ற கும்பலை வலைவீசி தேடிவருகின்றனர்.
இதையும் படிங்க: புகையிலைப் பொருள்கள் பறிமுதல்: தேர்தல் பறக்கும் படை அதிரடி
