குற்ற வழக்கில் கைதான ஒருவருக்கு கரோனா... காவல்நிலையத்திற்கு சீல்!

காரைக்கால்: திருநள்ளாறில் குற்ற வழக்கில் கைது செய்யப்பட்டவருக்கு கரோனா தொற்று உறுதி செய்யப்பட்டதால் திருநள்ளாறு காவல் நிலையத்திற்கு சீல் வைத்தனர்.

காரைக்கால் மாவட்டம் இதுவரை யாருக்கும் கரோனா வைரஸ் இல்லாத நிலையில், நேற்று காரைக்கால் மாவட்டம் திருநள்ளாறு காவல் நிலையத்தில் குற்ற வழக்கில் கைதான ஒருவருக்கு கரோனா வைரஸ் உறுதி செய்யப்பட்டதால், அவரும் அவரைச் சார்ந்தவர்களும் தனிமைப்படுத்தப்பட்டனர்.

மேலும் அவரை விசாரணை செய்த திருநள்ளாறு காவல் ஆய்வாளர் பாலமுருகன் உள்பட காவல் நிலையத்தில் பணிபுரியும் 32 காவலர்களையும் தனிமைப்படுத்தியதோடு, திருநள்ளாறு காவல் நிலையத்திற்கு சீல் வைத்துள்ளனர்.

இதைத் தொடர்ந்து திருநள்ளாறு காவல் நிலையம் முழுவதும் கிருமி நாசினி தெளிக்கப்பட்டது. மேலும் காவல் நிலையம் சீல் வைக்கப்பட்டதை அடுத்து தற்காலிகமாக திருநள்ளாறு சனீஸ்வர பகவான் ஆலயத்தில் காவல் நிலையம் செயல்பட்டு வருகிறது.

இதையும் படிங்க: கொல்கத்தாவில் கரோனா கண்காணிப்புக்குழு அமைப்பு!