மயிலாடுதுறை மாவட்டம் காட்டுச்சேரி கிராமத்தை சேர்ந்தவர்கள் தியாகராஜன் (27) - பிரவீனா (25) தம்பதி. இவர்களுக்கு கடந்த ஆண்டு ஜூலை மாதம் 7 ஆம் தேதி திருமணம் நடைபெற்றது. இதனையடுத்து கருவுற்ற பிரவீனாவிற்கு மயிலாடுதுறை அரசு மருத்துவமனையில் ஸ்கேன் பரிசோதனை செய்ததில், அவரது வயிற்றில் 3 கரு வளர்வது தெரிய வந்துள்ளது.
இதனால் அவரது கணவர் மற்றும் குடும்பத்தினர் பிரவீனாவை பாதுகாப்பாக கவனித்து வந்தனர். தொடர்ந்து சங்கரன்பந்தல் அரசு ஆரம்ப சுகாதார நிலையத்தில் பரிசோதனை செய்து வந்தனர். இவ்வாறு ஒன்பது மாதங்கள் கடந்த நிலையில், பிரவீனாவிற்கு பிரசவ வலி எடுத்ததை தொடர்ந்து, அவரை மயிலாடுதுறை அரசு மருத்துவமனையில் அனுமதிக்கப்பட்டார்.
இதில் ஒரு வாரம் சிகிச்சை பெற்று வந்த பிரவீனா, கடந்த வாரம் வியாழக்கிழமை அறுவை சிகிச்சை மூலம் 3 பெண் குழந்தைகளை பெற்றெடுத்தார். ஒவ்வொரு குழந்தையும் சுமார் ஒன்றரை கிலோ எடை மட்டுமே இருந்ததால் மருத்துவர்கள், பச்சிளம் குழந்தைகளை தீவிர சிகிச்சை கண்காணிப்பு பிரிவில் (இன்குபேட்டரில்) வைத்துள்ளனர்.
மேலும் மருத்துவர்கள் உறவினர்களிடம் தாயும், சேயும் நலமுடன் இருப்பதாகவும் தெரிவித்தனர். இதனையடுத்து பிரவீனாவின் கணவர் மற்றும் குடும்பத்தினர் மகிழ்ச்சியில் உள்ளனர்.
இதையும் படிங்க: செக்ஸ் சிறக்க ஆறு அற்புத குறிப்புகள்... என்னென்ன தெரியுமா...?
