மதுரை மாவட்டம் சமயநல்லூர் டபேதார் சந்தை காளியம்மன் கோவில் தெருவைச் சேர்ந்தவர் மூக்கையா. இவரது மகன் நிருபன் சக்ரவர்த்தி(29). இவர் அப்பகுதியில் பெயிண்ட் கடை நடத்தி வருகிறார்.
இந்நிலையில், இன்று அதிகாலை சமயநல்லூர் பகுதியில் நிருபன் சக்ரவர்த்தி சென்று கொண்டிருந்தபோது, திடீரென அங்கு வந்த ஆறு பேர் கொண்ட மர்ம கும்பல், அவரை சரமாரியாக வெட்டியது. இதில் படுகாயமடைந்த நிருபன் சக்ரவர்த்தி சம்பவ இடத்திலேயே உயிரிழந்தார்.
இந்த சம்பவம் குறித்து சமயநல்லூர் காவல்நிலையத்தில் வழக்குப்பதிவு செய்து விசாரிக்கையில், உள்ளூரிலுள்ள கோயில் வழிபாட்டு தகராறில் ஏற்பட்ட முன்விரோதம் காரணமாக, இக்கொலை நடந்திருக்கலாம், என்று தெரிய வந்துள்ளது.
இதையடுத்து, கொலை செய்த கும்பலை போலீஸார் தீவிரமாகத் தேடி வருகின்றனர்.
